17/10/2020
410 جار خوێنراوەتەوە
عهلی سیستانی فەتوای حەرامی مامەڵەكردن و كڕینی بەرهەمەكانی ئیسرائیلی دەركرد
پهیام
عەلی سیستانی مەرجەعی باڵای شیعەكانی عیراق فەتوایەكی دەركرد لە بارەی حەرامی مامەڵە كردن و كڕینی بەرهەمەكانی ئیسرائیل.
سیستانی لە فتوایەكدا كە لەلایەن نوسینگەكەی بڵاو كراوەتەوە دەڵێت "رێگە پێدراو نییە بەرهەمەكانی ئیسرائیل مامەڵەی پێوە بكرێت، هەروەها نابێت مامەڵە لەگەڵ ئەو كۆمپانیایانەش بكرێت كە پشتیوانی لە قەوارەی ئیسرائیل دەكەن بە شێوەیەكی كاریگەر".
بە پێی بەیاننامەی نوسینگەی سیستانی لە بارەی مامەڵەكردن بە بەرهەمە ئیسرائیلیەكانەوە داوای بۆچوون و فتوا لە مەرجەعی باڵا كراوە، ئەوانیش وەك روونكردنەوەیەك جەختدەكەنەوە كە ئەو مامەڵە بە حەرام دادەنرێت و رێگە پێدراو نییە.
دەركردنی فەتواكە لە دوای ئەوە دێت كە هەندێك لایەنی عیراقی هەوڵی ئاسایی كردنەوەی پەیوەندییەكان دەدەن لەگەڵ ئیسرائیل هاوشێوەی ئیمارات و بەحرەین.
لە تۆڕە کۆمەڵایەتیەکان شەیری بکە