17/10/2020
567 جار خوێنراوەتەوە
سەڵاحەدین.. پاش رفاندنی ژمارەیەك هاووڵاتی له لایه‌ن چه‌ند چه‌كدارێكه‌وه تەرمی 12 كەسیان دۆزرایەوە
په‌یام
لە قەزای بەلەد سەر بە پارێزگای سەڵاحەدین ژمارەیەك چەكدار هەڵدەكوتنە سەر گوندێك و پاش رفاندنی ژمارەیەك هاووڵاتی تەرمی 12 كەسیان دۆزرایەوە.
بە پێی ژمارەیەك سەرچاوەی هەواڵی عیراقی لە ناوچەی رەفیعیات سەر بەقەزای بەلەد ژمارەیەك چەكدار چوونەتە ناوچەكە و 28 كەسیان لە هەردوو هۆزی رەفیعات و جیسات دەستگیر كردووە و بردوویانن، دواتر تەرمی 12 كەس لەو رفێنراوانە دۆزراونەتەوە كە چواریان منداڵن و چارەنووسی ئەوانی دیكە نادیارە.
ئەو رووداوە لە كاتێكدایە كە بە پێی زانیاریەكان ئەو ناوچەیە لە دوای رزگاركردنی لە دەستی داعش هێزی زۆری ئەمنی لێ بڵاو كراوەتەوە.
سەبارەت بە رووداوەكە تا ئێستا هێزە ئەمنیەكانی عیراق هیچ روونكردنەوەیەكیان بڵاو نەكردۆتەوە و زانیاری لە بارەی لایەنی تاوانبار ئاشكرا نەكراوە.
لە تۆڕە کۆمەڵایەتیەکان شەیری بکە