ئانچلۆتی بەهێزترین خولی جیهان دیاری دەکات

پەیام سپۆڕت - بڕیار تەها

کارلۆ ئانچلۆتی ئیتاڵی و ڕاهێنەری یانەی ئیڤەرتۆنی ئینگلیزی پێیوایە پرێمەرلیگ بەهێزترین خولی جیهانە.

 لە میانی لێدوانێکیدا کە ڕۆژنامەی دەیلی مەیلی بەڕیتانی بڵاویکردۆتەوە، ئانچلۆتی سەبارەت بە خولی نایابی ئینگلیزی دەڵێت: لە چەندین وڵاتی جیاواز کاری ڕاهێنەرایەتیم کردووە، بەڵام بە بۆچوونی من پرێمەرلیگ بەهێزترین خولی جیهانە.

لە درێژەی قسەکانیدا ڕاهێنەرەکەی ئیڤەرتۆن باسی لەوە کرد، لە خولی ئینگلیزی کێبڕکێیەکە زۆر بەهێزە و ژمارەی یانە ڕکابەرەکان زۆر زیاترە.

ئەم لێدوانی ئانچلۆتی لە کاتێکدایە کارلۆ لە ئیتاڵیا ڕاهێنەرایەتی پارما و یۆڤانتۆس و ئەیسی میلان و ناپۆلی، لە ئیسپانیاش ڕیاڵ مەدرید و لە ئەڵمانیاش بایرن میونخ و لە فەرەنساش پاریس سانجێرمان و لە ئینگلتەراش چێڵسی و ئێستاش ڕاهێنەرایەتی ئیڤەرتۆن دەکات.