كۆمپانیای ئه‌پڵ: له‌پێناو پاراستنی ژینگه‌ ئایفۆن 12 هێدفۆن و بارگاویكه‌ره‌وه‌ی له‌گه‌ڵ نیه‌

په‌یام

دوای ئه‌وه‌ی ڕۆژی 13ی ئۆكتۆبه‌ری 2020 كۆمپانیای ئه‌پڵ کۆنفرانسی ساڵانەی تایبەت بەخۆی سازکرد و ئایفۆنە نوێیه‌کانی پێشکەش کرد، كۆمپانیاكه‌ تووشی ڕه‌خنه‌ و گازه‌نده‌یه‌كی زۆری به‌ركاهێنه‌رانی بووه‌وه‌‌.

ئەوەی بوەتە جێگای سه‌رنج و پرسیار ئه‌وه‌یه‌، بۆچی كۆمپانیاكه‌ له‌كاتی نمایشكردنی ئایفۆن 12 به‌شێوه‌یه‌ك ڕایگه‌یاند كه‌ موبایله‌ نوێیه‌كه‌ هێدفۆن و بارگاویکەرەوە لەناو بۆكسی موبایله‌كه‌دانین؟

بەپێی وتەی كۆمپانیای ناوبراو،گوایە لەبەر پاراستنی ژینگە هێدفۆن و بارگاویکەرەوەیان لەگەڵ ئامێرە نوێیەکانیان دانەناوە.

هه‌ر ئه‌مه‌ش بووه‌ته‌ جێی ڕه‌خنه‌ و به‌ركارهێنه‌رانی باوه‌ڕ به‌و قسه‌یه‌ ناكه‌ن و ده‌ڵێن ئه‌مه‌ش بۆ ئه‌وه‌یه‌ به‌جیا ئه‌و پێداویستییانه‌ بكڕین و پاره‌یه‌كی زیاترمان لێ وه‌رگرن.

گرینگترین تایبەتمەندیەکانی ئایفۆنی 12:

١- پشگیری نەوەی پێنجەم دەکات (5G)

٢- گۆڕانکاری گەورە لە بەشەکانی کامێرا وەک:

- بەرەو پێشبردنی باری شەو (Night Mode)

- گەورەکەری ٤ ‌هێندە (Optical Zoom 4x)

- پشتگیری (Deep Fusion) دەکات

- شێوازێکی نوێی وێنە گرتن بە ناوی (Apple ProRaw)

- وێنەگرتن بە کوالێتی 4K

٣- پارێزگاری لە ڕوونما

٤- لابردنی بارگاویکەرەوە (شەحن) و هێدفۆن لە ئامێرەکان واتە دەبێت بە جیا بیانکڕیت

٥- تایبەتمەندی MagSafe

٦-یاریەکی تایبەت بە ئەپڵ بەناوی League of Legends

به‌ بڕوای شاره‌زایان و كڕیارانیش، بە گشتی نرخی ئامێرەکان زۆر بەرز نەبوەتەوە.

هاوكات کۆمپانیای شاومی لە بڵاوکراوەیەکیدا وەکو توانج بۆ کۆمپانیای ئەپڵ باسی به‌رهه‌مێكی خۆی بۆ به‌كارهێنه‌ران و كڕیارانی ده‌كات و نوسیویەتی "دودڵ مەبە ئێمە هیچ شتێکمان لە دەرەوەی بۆکسەکە جێ نەهێشتووە".