25/09/2020
749 جار خوێنراوەتەوە
دوو وڵاتی دیكە بڕیاری ئاساییكردنەوەی پەیوەندییەكانیان لەگەڵ ئیسڕائیل دەدەن
په‌یام
دوو وڵاتی دیكە لە ماوەی هەفتەی داهاتوودا بڕیاری ئاساییكردنەوەی پەیوەندییەكانیان لەگەڵ قەوارەی ئیسڕائیل دەدەن.
ڕۆژنامەی (مەعاریف)ی قەوارەی ئیسڕائیل ڕایگەیاند: هەریەك لە سودان و عومان لەماوەی هەفتەی داهاتوودا پەیوەندییەكانیان لەگەڵ ئیسڕائیل ئاسایی دەكەنەوە.
لە ڕاپۆرتێكیدا، ڕۆژنامەی مەعاریف نووسیویەتی: بە ئامانجی ڕاگەیاندنی ئاشتی لە هەفتەی داهاتوودا، سودان و عومان بەنێوەندگیری ئەمریكا لەگەڵ ئیسڕائیل لە گفتوگۆی چڕدان.
ڕۆژنامەكە نووسیویەتی: هەفتەی داهاتوو ڕاگەیەندراوی ئاساییكردنەوەی پەیوەندییەكانی ئیسڕائیل و عومان ئاشكرا دەكرێت، ئەگەر كێشەیەكی تەكنیكی هاتە پێشەوە ئەوە بۆ هەفتەی دواتر دوا دەخرێت.
لەبارەی ئاساییكردنەوەی پەیوەندییەكانی تەلئەبیب و خوڕتومیشەوە، مەعاریف دەڵێ: ئەو بابەتە بۆ دوای پێكهێنانی پەڕلەمان و حكومەتی سودان دواخراوە.
تائێستا هیچ ڕەتكردنەوە، یان پشتڕاستكردنەوەیەكی هەواڵەكەی مەعاریف لەلایەن سەڵتەنەتی عومان و سودانەوە ڕانەگەیەندراوە.
لە تۆڕە کۆمەڵایەتیەکان شەیری بکە