25/09/2020
514 جار خوێنراوەتەوە
پۆلیسی ئیسڕائیل نهیهێشت هاووڵاتیانی فەڵەستین نوێژی هەینی لە مزگەوتی ئەقسا بكەن
پهیام
پۆلیسی قەوارەی ئیسڕائیل بە پاساوی ڕێوشوێنەكانی بەرەنگاربوونەوەی ڤایرۆسی كۆڕۆنا ڕێگەی بە هاووڵاتیانی فەڵەستینی دەرەوەی ناوەندی شاری قودس نەدا نوێژی هەیینی لە مزگەوتی ئەقسا بكەن.
پۆلیس پاساوی بۆ ئەو ڕەفتارەیشی بە بنەبڕكردنی پەتای ڤایرۆسی كۆڕۆنا هێنایەوە كە ڕێگە لە هاووڵاتیان دەگرێت لە یەك كیلۆمەتر زیاتر لە ماڵەكانی خۆیان دور بكەونەوە.
شایەتحاڵان دەگێڕنەوە كە پۆلیسی بەردەم دەرگا دەرەكییەكانی مزگەوتی ئەقسا سەرپێچییان بۆ ئەو هاووڵاتیانە نووسیوە كە لە دەرەوەی ناوەندی قودس كە (بەلدەی قەدیمە)ی پێ دەوترێت، هاتوون.
لای خۆیەوە فەرمانگەی ئەوقافی ئیسلامی لە قودس ڕایگەیاند: تەنها 1200 فەڵەستینی توانیویانە نوێژی هەیینی لە مزگەوتی ئەقسادا ئەنجام بدەن.
فەرمانگەی ئەوقافی ئیسلامی وتیشی: ئەو نوێژخوێنانەی پۆلیس ڕێی پێ داون بێتە ئەقساوە تەنها دانیشتووانی بەلدەی قەدیمەی قودس بوون.
لە تۆڕە کۆمەڵایەتیەکان شەیری بکە