25/09/2020
800 جار خوێنراوەتەوە
"وڵاتێكی دیكەی عەرەبیی پەیوەندییەكانی لەگەڵ ئیسڕائیل ئاسایی دەكاتەوە"
په‌یام
لە چەند ڕۆژی
داهاتوودا وڵاتێكی دیكەی عەرەبی پەیوەندییەكانی لەگەڵ قەوارەی ئیسڕائیل ئاسایی
دەكاتەوە.
(كیلی نایت گرافت) نوێنەری ئەمریكا لە نەتەوەیەكگرتووەكان ڕایگەیاند:
لە یەك، دوو ڕۆژی ئاییندەدا وڵاتێكی دیكەی عەرەبی ڕێككەوتنی ئاساییكردنەوەی
پەیوەندییەكانی لەگەڵ ئیسڕائیل واژۆ دەكات.
(كیلی گرافت) بەبێ ئەوەی ناوی ئەو دەوڵەتە بهێنێت ئەوەی ڕاگەیاند
و وتیشی: ئەمریكا ئامانجیەتی وڵاتگەلی زیاتر، بەتایبەت سعودیە پەیوەندییەكانیان
لەگەڵ ئیسڕائیل ئاسایی بكەنەوە.
ژمارەیەك لە
سەرچاوەی هەواڵ ئاماژە بەوە دەكەن پێدەچێت سودان وەك سێیەم وڵات، ئەو وڵاتە
عەرەبییە بێت كە دوای ئیماڕات و بەحرەین ئەو هەنگاوە هەڵبگرێت.
15ی ئەم مانگە، هەر یەك لە ئیماڕات و بەحرەین وەك دوو وڵاتی
عەرەبی كەنداو ڕێككەوتنی ئاساییكردنەوەی پەیوەندییەكانیان لەگەڵ قەوارەی ئیسڕائیل
واژۆ كرد.
لە تۆڕە کۆمەڵایەتیەکان شەیری بکە