16/09/2020
795 جار خوێنراوەتەوە
عهبدولستار مهجید: سكرتێری پهڕلهمان داوای كردووه پرسیارهكانمان له سۆشیال میدیا بڵاونهكهینهوه
پهیام
عهبدولستار مهجید، سهرۆكی فراكسیۆنی كۆمهڵ لهپهرلهمانی كوردستان رایگهیاندووه، بەپێی نوسراوێک کە لە سکرتێری پەرلەمانەوە ئاراستەی پەرلەمانتاران کراوە، داوا دەکرێت ئەو پرسیارانەی پەرلەمانتاران بۆ حکومەتی دەنێرن، بەهیچ شێوەیەک بڵاونەکرێتەوە.
سهرۆكی فراكسیۆنی كۆمهڵ لهپهرلهمانی كوردستان روونیدهكاتهوه، ماددەکانی (٥٨، ٥٩، ٦٠، ٦١) کراوەتە پاساوی ئەو جۆرە بڕیارە لەکاتێکدا لە هیچ کام لەو ماددانە و بڕگەکانیشی بە یەک دێڕیش باس لەوە نەکراوە کە پەرلەمانتار نابێ پرسیار بڵاو بکاتەوە بەتایبەتی لە سۆشیال میدیا.
راشیگهیاندووه، ئەمڕۆش ڕوبەڕوو بە بەڕێزان لە دەستەی سەرۆکایەتیم وت کە ئەو نوسراوەتان هیچ پاڵپشتییەکی یاسایی و پەیڕەویی نیە و هیچ حەقێکیشتان نیە بەو پاساوە پرسیاری پەرلەمانتار ڕەتبکرێتەوە و ئاراستە نەکرێت.
عهبدولستار مهجید دهشڵێت، تەنها مەرج بۆ پرسیاری پەرلەمانتار، بوونی ئەو مەرجە یاساییانەیە کە لە پەیڕەودا هاتووە و هیچی تر ئەوەی دیکە هەمووی حەز و ویست و میزاجی شەخسییە!
لە تۆڕە کۆمەڵایەتیەکان شەیری بکە