پێش 4 هەفتە 151 جار خوێنراوەتەوە

هۆكاره‌كانی‌ توشبوون به‌ دڵه‌ڕاوكێ‌

په‌یام

به‌شی‌ دووه‌م

سه‌ره‌ڕای‌ ئه‌وه‌ی‌ جیاوازیه‌كی‌ زۆر هه‌یه‌ له‌سه‌ر هۆكاره‌كانی‌ دڵه‌ڕاوكێ‌ و گه‌شه‌سه‌ندنی‌ به‌لاَم زۆربه‌ی‌ زانایان كۆكن له‌سه‌رئه‌وه‌ی‌ هۆكاری‌ دڵه‌ڕاوكی‌ ده‌گه‌ڕێته‌وه‌ بۆ ئه‌م خالاَنه‌ی‌ خواره‌وه‌.

1- پێشینه‌یه‌كی‌ فسیۆلۆجی‌ بۆ دڵه‌ڕاوكێ‌:
نیشانه‌كانی‌ دڵه‌ڕاوكێ‌ زیاد ده‌كات به‌ زیادبوونی‌ چالاكی‌ (جهازی‌ عصبی لائیرادی‌ ) و زیادبونی‌ ڕێژه‌ی‌ ئه‌درینالین و نورئه‌درینالین له‌ خوێندا، نیشانه‌كانی‌ زیادبوونی‌ یه‌كه‌م (به‌رزبونه‌وه‌ی‌ په‌ستانی‌ خوێن ,زیادبونی‌ لێدانی‌ دڵ، سوربونی‌ چاوه‌كان، به‌رزبونه‌وه‌ی‌ ڕێژه‌ی‌ شه‌كر له‌خوێندا، سوربونه‌وه‌ی‌ پێست، عرق كردنه‌وه‌، وشك بونی‌ قوڕگ، له‌رزینی‌ په‌له‌كان وقورسی‌ هه‌ناسه‌دان). به‌لاَم نیشانه‌كانی‌ زیادبوونی‌ دووه‌م وه‌ك (میزكردنی‌ زۆر، سك چون، قژهه‌ڵوه‌رین، قۆڕه‌قۆڕی‌ سك، تێكچونی‌ كۆئه‌ندامی‌ هه‌رس).

2- پێشبینیه‌كی‌ جیناتی‌ كه‌ له‌ باوانه‌وه‌ ماوه‌ته‌وه‌:
توێژینه‌وه‌و پشكنینه‌ پزیشكیه‌كان ده‌ریانخستوه‌ كه‌ پێشینه‌یه‌كی‌ جینی‌ هه‌یه‌ بۆ دڵه‌ڕاوكێ‌ به‌ شێوه‌یه‌ك به‌ ڕێژه‌ی‌ 15% بۆ 75%له‌نێوان كه‌سه‌ نزیكه‌كاندا له‌پله‌ی‌ یه‌كه‌م توشده‌بن به‌ دڵه‌ڕاوكێ‌، وه‌ هه‌روه‌ها له‌كه‌سی‌ دوانه‌ به‌ڕێژه‌ی‌ 80% بۆ 90% ده‌رده‌كه‌وێت واته‌ ئه‌گه‌ر كه‌سێكی‌ دوانه‌ توشی‌ دڵه‌ڕاوكێ‌ بوو به‌ ڕێژه‌ی‌ 50% كه‌سه‌كه‌ی‌ دیكه‌یان له‌وانه‌یه‌ توشی‌ دڵه‌ڕاوكێ‌ ببێت، ئه‌م ڕێژه‌یه‌ش به‌رزه‌ بۆ توشبون به‌م نه‌خۆشیه‌، و هه‌روه‌ها 65% هه‌ندێك له‌نیشانه‌كانی‌ دڵه‌ڕاوكیان ده‌بێت، له‌مه‌وه‌ بۆمان ده‌رده‌كه‌وێت كه‌ هۆكاری‌ جینی‌ ده‌ورێكی‌ كاریگه‌ر ده‌بینێت له‌سه‌ر نه‌خۆشی‌ دڵه‌ڕاوكێ‌، وه‌نیشانه‌كانی‌ دڵه‌ڕاوكێ‌ ده‌رده‌كه‌وێت له‌كاتی‌ بوونی‌ هیلاكی‌ یان ته‌نگه‌ژه‌، یان هه‌ڵچون یان دڵ ته‌نگی‌ یان له‌ ده‌ستدانی‌ ئارامی‌ ده‌روونی‌.

3- پێشینه‌ سایكۆلۆجیه‌كان (ده‌روونیه‌كان ) له‌سه‌ر دڵه‌ڕاوكێ‌:
تویژینه‌وه‌ ده‌روونی و كلینیكه‌كان ده‌ریانخستوه‌ كه‌ دڵه‌ڕاوكێ‌ له‌لایه‌ن كه‌سی‌ توشبوو ده‌رده‌كه‌وێت به‌شێوه‌ی‌ نوبات، توندیه‌كه‌ی‌ زیاد ده‌كات به‌ هێواشی‌ و قۆناغ به‌ قۆناغ، و ئه‌م نیشانه‌ی‌ دڵه‌ڕاوكێیانه‌ دروستده‌بن ده‌رئه‌نجامی‌ له‌ده‌ستدانێكی‌ ئازار به‌خش وه‌ك له‌ده‌ستدانی‌ ئارامی‌، دڵه‌ڕاوكێ‌ جیابونه‌وه‌ له‌ قۆناغی‌ منداڵی‌ به‌هۆی‌ ئه‌مانه‌وه‌ كه‌سی‌ توشبوو هه‌وڵده‌دات بۆ به‌كارهێنانی‌ هێڵی‌ پارێزگاریكردن له‌خۆی‌، ئه‌مه‌ش شیكردنه‌وه‌ی‌ تیوری‌ شیكاری‌ ده‌روونیه‌ (به‌واتا ئه‌زمونه‌كانی‌ گه‌وره‌بوون و گه‌شه‌ی‌ منداڵی‌ كه‌سایه‌تی‌ مرۆڤ دیاری‌ ده‌كه‌ن له‌ قۆناغی‌ پێگه‌شتندا)، به‌لاَم شیكردنه‌وه‌ی‌ تیوری‌ ڕه‌فتاری‌ پێوایه‌ كه‌ دڵه‌ڕاوكێ‌ هه‌ست پێكردنێكی‌ فێركراوه‌ له‌لایه‌ن باوانه‌وه‌.

ئه‌نجامی‌ توێژینه‌وه‌كان ده‌ریانخستوه‌ ئه‌وانه‌ی‌ كه‌ دڵه‌ڕاوكێان هه‌یه‌ سی‌ خاڵ زۆر كاریگه‌ری‌ هه‌یه‌ له‌سه‌ریان ئه‌وانیش، جۆری‌ دڵه‌ڕاوكێكه‌، توندییه‌كه‌ی‌، دوباره‌ كردنه‌وه‌ی‌ ڕه‌فتاره‌كه‌.

بۆخوێندنه‌وه‌ی به‌شی یه‌كه‌م كلیكبكه‌

سه‌یوان غفور
توێژه‌ری‌ ده‌رونی‌

لە تۆڕە کۆمەڵایەتیەکان شەیری بکە

  • 2 رۆژ پێش ئێستا

    ڕێجیم کردن پێویستی به‌ یارمه‌تی ئه‌ندامانی خێزان هه‌یه‌:

  • 5 رۆژ پێش ئێستا

    شەرمنی منداڵ نەخۆشییە یاخود نا؟

  • 7 رۆژ پێش ئێستا

    دیارده‌ی زمانگرتن له‌منداڵاندا، هۆكار و چاره‌سه‌ر

  • پێش 2 هەفتە

    خۆراكی دایك رۆڵی هه‌یه‌ له‌ دیاریكردنی ره‌گه‌زی منداڵ

  • پێش 2 هەفتە

    چۆن مامه‌ڵه‌ له‌گه‌ڵ نه‌وه‌ی به‌كارهێنه‌ری ته‌كنه‌لۆژیا بكه‌ین؟

  • پێش 3 هەفتە

    ‎ئه‌گه‌ر مناڵه‌که‌ت خواردن نه‌خوات چی ده‌که‌یت؟

  • پێش 3 هەفتە

    چۆن گەشە بە زیرەکی مندالەکەت دەدەیت؟

  • پێش 3 هەفتە

    زانیاری گرنگ دەربارەی شیرپێدانی سروشتی

سەرەتا