ڤاران: زیدان پاڵپشتی کردم بۆ ئەوەی هاوکاری هێرشبەران بکەم

پەیام سپۆڕت - بڕیار تەها

ڕافائێل ڤارانی فەرەنسی و بەرگریکاری یانەی ڕیاڵ مەدریدی ئیسپانی ئاشکرای دەکات، زیدانی ڕاهێنەر بۆ هاوکاریکردنی هێرشبەرانی یانەکەی پاڵپشتی کردووە و لە وەسفی کەریم بێنزیمەشدا بە هێرشبەرێکی کامڵ ناوی دەبات.

 لە میانی لێدوانێکیدا لەگەڵ پێگەی یوفا ڤاران باسی لە چەند شتێکی گرنگ کردووە و دەڵێت: بە بەردەوامی زیدان پاڵپشتی کردووم تا ئەوەی بچمە هێڵی هێرشبردن و لە ڕێگەی پاسەکانەوە هاوکاری یانەکەم بکەم.

هەروەها ڤاران ئاماژەی بەوەشکرد، زیدان متمانە و ئارامگری پێ بەخشیووم و ئەوەی بۆ ئەو گرنگە ڕاهێنەر هەمیشە پاڵپشتیم بکات و ئەوەش بە پێدانی هەندێک ئامۆژگاری بچووک.

لە کۆتای قسەکانیدا ڤاران وتی: کەریم بێنزیمە لە دۆخێکی زۆر باشدایە و من بە ئاستی ئەو یاریزانە سەرسام نیم، چونکە هەمووان تواناکانی دەزانین، کەریم سەرکردەی هێرشبەرانی یانەکەمانە و کۆکراوەتەوە لە ئەزموون و کوالیتی و توانای جەستەییدا، گۆڵی زۆر تۆمار دەکات و دەرفەتی زۆریش دەرەخسێنێت.