31/07/2020
878 جار خوێنراوەتەوە
ناپۆلی گواستنەوەی هێرشبەرێکی بە 60 ملیۆن یۆرۆ ڕاگەیاند
پەیام سپۆڕت - بڕیار تەها
یانەی ناپۆلی
ئیتاڵی گواستنەوەی ڤیکتۆر ئاوسێمینی نەیجیری و هێرشبەری یانەی لیلی فەرەنسی
ڕاگەیاند.
لە بڵاوکراوەیەکی
فەڕمیدا یانەی ناپۆلی ئاشکرای کرد، لەگەڵ یانەی لیل بۆ گواستنەوەی ئاسێمین
گەیشتوونەتە ڕێککەوتنی کۆتایی و یاریزانەکەش واژۆی لەسەر گرێبەستەکە کردووە.
میدیاکانی
ئیتاڵیاش ئاماژە بەوە دەکەن، گرێبەستی ئاوسێمین ماوەی پێنج وەرز لەگەڵ یانەکەی
باشووری ئیتاڵیا درێژەی دەبێت و نزیکەی 60 ملیۆن یۆرۆش
لەسەر یانەکە کەوتووە.
ئاوسێمین ژمارە 9 لە ڕیزی
درێسەکانی یانەی ناپۆلی دەپۆشێت، ئەمە لە کاتێکدا ئەو ژمارەیە لە ئێستادا فێرناندۆ
یۆرێنتی دەیپۆشێت و کۆتایی ئەم وەرزە یانەکە جێدەهێڵێت.
لە تۆڕە کۆمەڵایەتیەکان شەیری بکە