هاووڵاتییان بۆ ئه‌نجامدانی نوێژی به‌یانی روویان له‌ مزگه‌وتی گه‌وره‌ی ئایاسۆفیا كرد

په‌یام

مزگه‌وتی گه‌وره‌ی ئایاسۆفیا كه‌ دوای ٨٦ ساڵ ئه‌مڕۆ بۆ نوێژی هه‌ینی جارێكی دیكه‌ به‌ رووی خواپه‌رستیدا ده‌كرێته‌وه‌، به‌هۆی ئاماده‌كارییه‌كان بۆ كردنه‌وه‌ی و گرتنه‌به‌ری رێوشوێنی پێویست به‌ رووی هاووڵاتییاندا داخرا و رێگه‌ به‌و هاووڵاتییانه‌ نه‌درا كه‌ بۆ ئه‌نجامدانی نوێژی به‌یانی روویان له‌و مزگه‌وته‌ كردبوو.


هاووڵاتییان كه‌ به‌ به‌رماڵه‌وه‌ هاتبوون له‌ خاڵه‌ ئه‌منییه‌كانی ده‌وروبه‌ری مزگه‌وته‌كه‌ راگیران. له‌به‌رئه‌مه‌ ژماره‌یه‌ك له‌و هاووڵاتییانه‌ چوونه‌ مزگه‌وته‌كانی دیكه‌ و به‌شێكیشیان له‌ خاڵه‌ ئه‌منییه‌كان ریزیان به‌ست و نوێژی به‌یانییان ئه‌نجام دا.


له‌م میانه‌یه‌دا لایه‌نی په‌یوه‌ندیدار رایگه‌یاندووه‌ كه‌ له‌ كاتژمێر ١٠:٠٠ه‌وه‌ رێگه‌ به‌ هاووڵاتییان ده‌ده‌ن بچنه‌ ناو ١١ خاڵی ئه‌منییه‌وه‌.