20/07/2020
397 جار خوێنراوەتەوە
هاوپەیمانی نێودەوڵەتی: هاوكاری پێشمەرگەو سوپای عێراق دەبین تا ده‌گەنە رێككەوتن
په‌یام
کۆلۆنێڵ مایڵز کاگینز وتەبێژی هاوپەیمانیی نێودەوڵەتی رایگه‌یاند: هاوکاری سوپای عێراق و هێزی پێشمەرگە دەبن بۆ گەیشتن بە ڕێککەوتن لەسەر دامەزراندنی ناوەندێکی هەماهەنگیی هاوبەش بۆ لەناوبردنی داعش.
کۆلۆنێڵ مایڵز کاگینز بە ئاژانسی ئانادۆڵ-ی توركی وتووە "کۆبوونەوەکەی ئەمڕۆی سوپای عێراق و هێزی پێشمەرگە لەسەر دروستکردنی ناوەندێکی هەماهەنگیی هاوبەش بوو لەنێوان هێزی پێشمەرگە و هێزە عێراقییەکان، بۆ ئەوەی هەموومان پێکەوە بەردەوام بین و داعش لەناوببەین".
ئاماژەی بەوەشکردووە، ئەوان وەک میوان بەشداری کۆبوونەوەی نێوان هێزە عێراقییەکان و هێزی پێشمەرگە بوون، دەشڵێت، "تەنها هاوکار دەبین".
ئەوەش لەكاتێكدایە، ئەمڕۆ شاندێکی ئۆپەراسیۆنە هاوبەشەکانی عێراق گەیشتە هەولێر و لەگەڵ بەرپرسانی وەزارەتی پێشمەرگە، لەسەر هێرشەکانی چەکدارانی داعش بۆسەر ناوچە کوردستانییەکانی دەرەوەی هەرێم و ئەنجامدانی ئۆپەراسیۆنی هاوبەش لەو ناوچانە، کۆبوونەوە.
لە تۆڕە کۆمەڵایەتیەکان شەیری بکە