17/07/2020
744 جار خوێنراوەتەوە
خێزانێكى فەڵەستينى ناوى ئاياسۆفيا لە كچە تازە لەدايكبوونەكەيان دەنێن
په‌یام
خێزانى بايوودى فەڵەستينى، لە ١١ى تەمووز كچێكيان لە دايك دەبێت كە دەكاتە هەمان رۆژى گۆڕینی ئاياسۆفيا لە مۆزەخانەوە بۆ مزگەوت ، بۆيە كچەكەيان ناوى ئاياسۆفياى لێدەنێن.
بايوود، ئاماژەى بەوە كرد كە وەكو خێزان زۆر خۆشحاڵ بوون بە كردنەوەى ئاياسۆفيا بەڕووی پەرستش و گوتى، "ئێمەش وەكو دەربڕينێك بۆ ئەو خۆشييە ئەو كچەمان كە تازە لە دايكبووە ناومان لێنا ئاياسۆفيا. زۆر سوپاس بۆ خودا".
بايوود، گوتيشى، "ژيانەوەى ئاياسۆفيا، موژدەيەكە بۆ ئازادكردنى مزگەوتى ئەقسا، خاكەكانمان و سەرجەم موسڵمانان".
حەسەن بايوود، هيواى ئەوە خواست كە كچەكەى "بەناويەوە گەورەبێت" و ببێتە مرۆڤێكى بەسوود و گوتى، "داوام لە خواى گەورەيە ئەوەیە بە دروستى گەورەبێت و قورئانی پیزۆر لەبەربکات".
لە تۆڕە کۆمەڵایەتیەکان شەیری بکە