16/07/2020
762 جار خوێنراوەتەوە
کازمی: بەمزوانە وادەی هەڵبژاردنی گشتی لەعێراق رادەگەیەنین
په‌یام
کەمێک بەرلەئێستا مستەفا کازمی سەرۆک وەزیرانی عێراق رایگەیاند، بەمزوانە وادەی هەڵبژاردنی گشتی لەعێراق دەستنیشاندەکەین.
نوسینگەی راگەیاندنی مستەفا کازمی سەرۆک وەزیرانی عێراق لەراگەیەنراوێکدا ئاشکرایکرد، ئەمرۆ چوارشەممە دوای کۆبونەوەی ئەنجومەنی وەزیران لەبەسرە، کازمی رایگەیاندوە لەماوەی چەند رۆژی ئایندە، لیستی ناوی شەهیدانی خۆپیشاندەر و هێزە ئەمنییەکان ئامادەدەکرێت و وادەی هەڵبژاردنی گشتیش رادەگەیەنن.
کازمی ئاماژەی بەوەشکردوە، هەلبژاردنێکی پاک و بێگەرد ئەنجامدەدەن و کۆمسیۆنی هەڵبژاردنەکانیش پێویستە سەربەخۆیانە بەو بەرپرسیارێتییە هەڵسێت.
لەبارەی ناساندنی بەسرە وەک پایتەختی ئابوری کازمی رایگەیاند، بەسرە تەنها لەسەر کاغەز پایتەختی ئابورییە، لەبری ئەوە بوە بە پایتەختی هەژاران و داماو و لێقەوماوان، هەرگیز پایتەختی ئابوری نەبوە.
بەڵێنیشیدا پێگەی بەسرە بەرزدەکەنەوە بۆئەوەی رۆڵی بەرچاوی خۆی ببینێت، ئەمەش منەت نیە، بەڵکو مافێکی یاسایی ئەو شارەیە.
لە تۆڕە کۆمەڵایەتیەکان شەیری بکە