14/07/2020
1184 جار خوێنراوەتەوە
بەرشەلۆنە دەستبەرداری یاریزانێکی سەرەکی یانەکەی دەبێت
پەیام سپۆرت - بڕیار تەها
یانەی بەرشەلۆنە
ئیسپانی لە تواناکانی سامیۆل ئومتیتی فەرەنسی نائومێد بووە و لەم هاوینەدا
ئامادەیە دەستبەرداری ئەو بەرگریکارەی ببێت.
پێشبینی دەکرا
پاش دوورخستنەوەی ڤاڵڤێردی و هاتنی کیکی سێتین گۆڕانکاری بەسەر بارودۆخی ئومتیتیدا
بێت و یاریزانەکە بۆ پێکاتەی سەرەکی بگەڕێتەوە، بەڵام دووبارە بوونەوەی پێکانەکانی
ئەو بەرگریکارە فەرەنسییەی لە چاوی هەمووان ون کردووە.
سەبارەت بە
داهاتووی ئەو یاریزانەش ڕۆژنامەی سپۆڕتی کەتەلۆنی هەواڵێکی تایبەتی بڵاوکردۆتەوە و
ئاماژە بەوە دەکات، کارگێڕی یانەکە لە تواناکانی ئومتیتی نائومێد بوون و
بڕیاریانداوە ئەو بەرگریکارە 26 ساڵە لە لیستی یاریزانە فرۆشراوەکاندا
دابنێن و ئامادەن ئەگەر گرێبەستێکی گونجاویان بەدەست بگات دەستبەرداری ببن.
سەرچاوەکە
ئەوەشی خستۆتە ڕوو، یانەکە دەیەوێت پاش فرۆشتنی ئومتیتی دواتر بە گواستنەوەی
بەرگریکارێکی بە ئەزموون و بەناوبانگ شوێنەکەی پڕ بکاتەوە و بەشێک لە گرفتەکانی
هێڵی بەرگری چارەسەر بکات.
ڕۆژنامەکە
ئەوەشی ئاشکرا کردووە، یانەکانی ئیتاڵیا و بەتایبەتی یانەکانی ڕۆما و لازیۆ و
ناپۆلی و تۆرینۆ گرنگی بە گواستنەوەی ئومتیتی فەرەنسی دەدەن و نرخی یاریزانەکەش بە
نزیکەی ٢٥ ملیۆن یۆرۆ لە بازاڕی گواستنەوەدا دەخەمڵێندرێت.
لە تۆڕە کۆمەڵایەتیەکان شەیری بکە