11/07/2020
643 جار خوێنراوەتەوە
مان. یونایتد بە فەڕمی هەوڵی گواستنەوەی بەرگریکارێکی خولی ئیتاڵی دەدات
پەیام سپۆڕت - بڕیار تەها
یانەی مانچستەر یونایتدی
ئینگلیزی گرێبەستێكی فەرمی بۆ گواستنەوەی میلان سكرینیاری بەرگریكاری ئینتەر میلان
پێشكەش بە یانە ئیتالییەكە دەكات.
رۆژنامەی تۆتۆ سپۆرتی
ئیتاڵی ئاشكرای دەكات، مانچستەر یونایتد ئارەزوویەكی زۆری بۆ گواستنەوەی سكرینیار هەیە
لە مێركاتۆی داهاتوودا و بۆ ئەو مەبەستەش یەكەم گرێبەستی فەڕمی پێشكەش بە یانە ئیتاڵییەكە
كردووە، ڕۆژنامەکە ئاماژە بەوەش دەكات كە بڕی گرێبەستەكەی مان. یونایتد بۆ گواستنەوەی
یاریزانە سلۆڤینییەكە 65 ملیۆن یۆرۆ بووە، ئەمە لە كاتێكدایە كە وەرزی ڕابردوو ئینتەر
بۆ دەستبەرداربوون لەو یاریزانەی داوای 80 ملیۆن یۆرۆی كردبوو، بەڵام پێدەچێت بەهۆی
ئەو قەیرانە ئابووریەی كۆرۆنا بۆ تەواوی یانەكان دروستی كردووە، لە كۆتاییدا ئینتەر
بەو بڕەی شەیتانە سوورەكان رازی بێت و دەستبەرداری بەرگریكارەكەی بێت.
ئەم هەنگاوەی مانچستەر
یونایتد لە كاتێكدایە، كۆمەڵێك یانەی گەورەی ئەوروپی گواستنەویی سکرینیار- یان بە ئامانج
گرتووە، لە سەروویانەوە مانچستەر سیتی و پاریس سان جێرمان دەبینرێن.
لە تۆڕە کۆمەڵایەتیەکان شەیری بکە