10/07/2020
653 جار خوێنراوەتەوە
فــەڕمی... ڕیاڵ مەدرید تا کۆتایی وەرز یاریزانێکی بەهۆی پێکانەوە لەدەست دا
پەیام سپۆڕت - بڕیار تەها
ئەمڕۆ هەینی یانەی
ڕیاڵ مەدریدی ئیسپانی بەبێ ئاشکرا کردنی ماوەی دوورکەوتنەوەی، پێکانی مارسیلۆی
بەڕازیلی و بەرگریکاری یانەکەی ڕاگەیاند، بەڵام میدیایەکی نزیک لە یانەی شاهانە
ماوەی دوورکەوتنەوەی مارسیلۆ ئاشکرا دەکات.
ڕۆژنامەی مارکای
نزیک لە یانەی ڕیاڵ مەدرید بە دواداچوونی بۆ پێکانەکەی مارسیلۆ کردووە و ئاشکرای
دەکات، مارسیلۆ بۆ ماوەی 3 هەفتە بەهۆی پێکانەکەیەوە لە یاریگاکان دووردەکەوێتەوە، واتا بۆ هیچ یارییەکی ئەم
وەرزەی خولی ئیسپانی مارسیلۆ ناتوانێت یاری بکاتەوە.
ئەمڕۆ یانەی ڕیاڵ
مەدرید رایگەیاند، لە ماسولکەکانی قاچی چەپیدا تووشی ئازار هاتووە و پێکانەکەش
دەگەڕێتەوە بۆ یاری ڕابردووی یانەکە بەرانبەر ئەتلەتیک بیلباو لە میانی یارییەکانی
لالیگا.
بەوهۆی پێکانەوە
مارسیلۆ بەرانبەر ئالاڤێس و گراناتە و ڤیاڕیاڵ و لێگانێس ناتوانێت یاری بکات،
بەڵام بۆ ڕووبەڕووبوونەوەی مانچستەر سیتی لە قۆناغی 16ی چامپیۆنسلیگ ئامادە دەبێت.
لە تۆڕە کۆمەڵایەتیەکان شەیری بکە