09/07/2020
456 جار خوێنراوەتەوە
ساری داوای گواستنەوەی یاریزانێکی چێڵسی کردووە
پەیام سپۆڕت - بڕیار تەها
ماوریسۆ ساری راهێنەری یۆڤانتۆس پێداگرە لە بەدەستهێنانی
جۆرجینۆی ئیتاڵی لە یانەی چێڵسی و یانە ئیتاڵیەكەش ئامادەكاری بۆ ئەنجامدانی گرێبەستەكە
دەكات.
سەرچاوە هەواڵیەكانی ئینگلتەرا ئاشكرایانكرد كە
یۆڤانتۆس لە پەیوەندی بەردەوامدایە لەگەڵ كارگێری بلوز بۆ گواستنەوەی جۆرجینۆی یاریزانی
تایبەتمەندی ساری راهێنەری یانەكەیان و دەشیانەوێت یەكێك لە رابیۆت یاخود ئارۆن رامسی
بخەنە نێو گرێبەستەكەوە.
لای خۆشیەوە رۆژنامەی تۆتۆسپۆرتی نزیك لە یۆڤی ئاشكرایكرد،
ساری تەنیا بە هێنانی ئارسەر ڕازی نییە و داوای جۆرجینۆی كردوە تائەوەی بەشێوەیەكی
سەركەوتوانە پلانەكانی لە یاریگادا جێ بە جێ بكرێت.
جێی ئاماژەیە جۆرجینۆ لە هاوینی 2018 لەگەڵ ساری راهێنەری بەرامبەر 58 ملیۆن پاوەند پەیوەندی بە چێڵسیەوە كردوە
و ئەگەرچی پێشتر یاریزانی سەرەكی بوو, بەڵام لەئێستادا
لە پێكهاتەكەی لامپارد وەك یاریزانی یەدەگ مامەڵەی لەگەڵ دەكرێت.
لە تۆڕە کۆمەڵایەتیەکان شەیری بکە