02/07/2020
400 جار خوێنراوەتەوە
پۆلیسی ڕاپەڕین: لە ماوەی شەش مانگی رابردوودا هەزار و 508 ڕووداوی جیاجیا تۆمار كراون
پهیام
بەڕێوەبەرایەتی پۆلیسی ڕاپەڕین رایگەیاند لەماوەی شەش مانگی رابردوودا هەزار و 508 ڕوداوی جیاجیا تۆمار كراون و 45 كەسیش گیانیان لەدەستداوە.
بەڕێوەبەرایەتی پۆلیسی ڕاپەڕین لەكۆنگرەیەكی ڕۆژنامەوانیدا ئاماری روداوەكانی شەش مانگی رابردووی بڵاوكردەوە و رایگەیاند لەشەش مانگی ڕابردودا لەسنوری بەڕێوەبەرایەی پۆلیسی ڕاپەڕین هەزار و 508 ڕووداو ڕویانداوە.
وتەبێژی پۆلیسی راپەرین ئاماژەی بۆ ئەوەشكرد لەوماوەیەدا 825 تۆمەتبار بەهۆكاری جیاواز دەستگیركراون و 41تۆمەتباری دیكەش تاوەكو ئێستا دەستگیرنەكراون.
وتەبێژی پۆلیسی ڕاپەڕین وتیشی لەماوەی شەش مانگی رابردوودا بەهۆكاری جیاجیا 45 كەس گیانیان لەدەستداوە.
لە تۆڕە کۆمەڵایەتیەکان شەیری بکە