02/07/2020
299 جار خوێنراوەتەوە
گهرمیان.. هەڵكشانی ئاماری تووشبووان بە كۆرۆنا و خراپی سێكتەری تەندروستی هاوڵاتییانی نیگهران كردووه
پهیام
هەڵكشانی ئاماری تووشبوان بە ڤایرۆسی كۆرۆنا لە گەرمیان و خراپی سێكتەری تەندروستی و لاوازی لاوازی ڕێكارەكانی ڕووبەڕوو بوونەوەی ڤایرۆسەكە ڕێكخراوەكانی كۆمەڵی مەدەنی و چین و توێژەكانی گەرمیانی نیگەران كردووە و بەیاننامەیەكی هەشت خاڵیان ئاڕاستەی حكومەتی هەرێم و لیژنەی تەندروستی لە پەرلەمانی كوردستان كردووە بۆ بەزوویی بەدەمەوە هاتنی سێكتەری تەندروستی گەرمیان.
وەك لە بەیاننامەی ئەو ڕێكخراوانەدا هاتووە داوا لەلیژنەی تەندروستی لە پەرلەمانی كوردستان و لیژنەی باڵای ڕووبەڕووبوونەوەی ڤایرۆسی كۆرۆنا دەكەن سەردانی گەرمیان بكەن و لێكۆڵینەوە لە كۆی كێشەكانی تەندروستی بكەن و لێپێچینەوە لە كەمتەرخەمیەكان بكەن.
هاوكات داوا دەكەن نەخۆشخانە و سەنتەرەكانی پشكنین بۆ ڤایرۆسی كۆرۆنا لەگەرمیان زیاد بكرێت و لێپێچینەوە و سزای ئەو نۆرینگە ئەهلیانە بدرێن كە بەبێ زانیاری بەناوی پشكنینی كۆرۆنا و پێدانی چارەسەری ناتەندروست بوونەتە بارگرانی بۆسەرشانی هاوڵاتیان.
بۆ جێبەجێكردنی داواكاریەكان ئەو ڕێكخراوانە مۆڵەتی هەفتەیەك دەدەن بە حكومەتی هەرێم و لایەنە پەیوەندیدارەكان و لەئەگەری بەدەمەوە نەهاتنیان ڕێكاری مەدەنی توندترو چالاكی زیاتر بەڕێوەدەبەن.
لە تۆڕە کۆمەڵایەتیەکان شەیری بکە