02/07/2020
453 جار خوێنراوەتەوە
سلێمانی.. پشكنینێكی نوێ بۆ گومانلێكراوانی ههڵگری ڤایرۆسی كۆرۆنا دهكرێت
پهیام
لە شاری سلێمانی پشكنینێكی نوێ بۆ بەركەوتوان و ئەو كەسانە دەكرێت كە گومانی توشبون بە ڤایرۆسی كۆرۆنایان لێ دەكرێت.
هیوا نەجمەدین كارمەندی تاقیگەی پێشكەوتوو لە شاری سلێمانی لە كۆنگرەیەكی رۆژنامەوانیدا رایگەیاند بۆیەكەمجار لە هەرێمی كوردستان جۆرێكی نوێی پشكنینی ڤایرۆسی كۆرۆنایان تاقیكردووەتەوە و سەركەوتنی بەدەستهێناوە.
ئەو پزیشكە وتیشی تاقیكردنەوەكە لە رێگەی پشنكینی پرۆتینی میزی كەسەكانەوە دەكرێت و تایبەتە بەو كەسانەی كە گومان دەكرێت بەركەوتەی توشبووانی ڤایرۆسی كۆرۆنا بن، یاخود تووشی ڤایرۆسەكە بوبێتن و پێیان نەزانی بێت.
ئەو پزیشكە ئاماژەی بۆ ئەوەشكرد زۆر هەوڵی داوە لەگەڵ وەزیری تەندروستی حكومەتی هەرێم لەوبارەیەوە قسە بكات، بەڵام نەیتیوانیوە وەزیری ببینێت، بۆیە لەڕێگەی دەزگاكانی راگەیاندنەكانەوە تاقیكردنەوەكەی ئاشكرا كردوە.
لە تۆڕە کۆمەڵایەتیەکان شەیری بکە