بەڕێوبەری یۆڤانتۆس هۆکاری ئاڵگۆپێکردنی پیانیچ بە ئارسەر ئاشکرا دەکات

پەیام سپۆرت - بڕیار تەها

فابیۆ پاراچی بەڕێوبەری وەرزشی یانەی یۆڤانتۆسی ئیتاڵی ئاشکرای دەکات، تەمەنی ئارسەر میلۆ بەراورد بە میرالیم پیانیچ کەمتر بووە و لەبەر ئەوەش ئاڵوگۆڕەکەیان پێ باش بووە.

 
لە لێدوانێکیدا بۆ تۆڕی هەواڵی سکای سپۆڕتی ئیتاڵی سەبارەت بە گرێبەستەکەیان لەگەڵ یانەی بەرشەلۆنە پاراچی وتی: بازاڕی گواستنەوەی یاریزانان بە شێکە لە پلاندانان و بەشێکیشی دەرفەتی واژۆکردنی گرێبەستەکەیە، ئێمەش بۆ گواستنەوەی ئارسەر هەم پلان و هەمیش دەرفەتمان هەبوو.

لە درێژەی قسەکانیدا بەڕێوبەرەکەی یۆڤانتۆس ئاماژەی بەوە کرد، پیانیچ بۆ ئەوان یاریزانێکی گرنگ بووە، کاتێک سەبارەت بەو گرێبەستە ئاڵوگۆڕە گفتوگۆمان لەگەڵ کردووە سەرەتا وتی، من لەگەڵ ئێوە دڵخۆشم، بەڵام تاکە یانەیەک ئامادە بم یۆڤانتۆسی بۆ بەجێبهێڵم ئەو یانەیە بەرشەلۆنەیە.

لە کۆتاییدا پاراچی ئاشکرای دەکات، ئەوان ماوەیەکی زۆر چاودێری ئارسەریان کردووە و دواجار ئەو یاریزانەیان ڕازی کردووە، لەگەڵ ئەوەشدا تەمەنی ئارسەر لە پیانیچ کەمتر بوو ئەمەش هۆکارێک بووە بۆ ئاڵوگۆڕەکە.