30/06/2020
402 جار خوێنراوەتەوە
ناپۆلی لە گواستنەوەی ئامانجێکی لیڤەپووڵ نزیکە
پەیام سپۆرت - بڕیار تەها
یانەی ناپۆلی
ئیتاڵی لە گواستنەوەی ڤیکتۆر ئاوسێمینی نێجیری و هێرشبەری یانەی لیلی فەڕەنسی نزیک
دەبێتەوە.
ماوەی زیاتر لە
چەند مانگێکە هەردوو یانەی لیڤەرپووڵی ئینگلیزی و ناپۆلی ئیتاڵی کێبڕکێی
گواستنەوەی ئەو هێرشبەرە لاوە دەکەن.
ڕۆژنامەی سکای
سپۆڕتی ئیتاڵی لای خۆیەوە ئاشکرای دەکات، بریکارەکەی ئاسێمین گەیشتۆتە شاری ناپۆلی
و سەبارەت بە مەرجە تاکە کەسییەکان لەگەڵ یانەی ناپۆلی گەیشتوونەتە ڕێککەوتن.
سەرچاوەکە ئاماژە
بەوەش دەکات، سەرەتا یاریزانەکە گرێبەستی ناپۆلی ڕەتکردۆتەوە، بەڵام کارگێڕی لیل
فشاریان خستۆتە سەر ئاوسێمین بۆ ئەوەی پەیوەندی بە یانەکەی باشووری ئیتاڵیاوە
بکات، چونکە سەرۆکی یانەی ناپۆلی ئامادەی نیشانداوە نزیکەی 60 ملیۆن یۆرۆ
بە یانەی فەرەنسییەکە بدات و لەم سەردەمی کۆرۆنایەشدا بەرپرسانی یانەی لیل ئەو گرێبەستەی
یانەی ناپۆلی بە گرێبەستێکی زۆر باش دەزانن.
لە تۆڕە کۆمەڵایەتیەکان شەیری بکە