كۆمه‌ڵ و گۆڕان له‌كۆبوونه‌وه‌دان

په‌یام

كۆمه‌ڵی ئیسلامی له‌ شاری هه‌ولێر به‌ سه‌رپه‌رشتی مامۆستا عه‌لی باپیر پێشوازی كرد له‌ وه‌فدی باڵای گۆڕان به‌سه‌رۆكایه‌تی عومه‌ری سه‌ید عه‌لی و له‌ ئێستاشدا وه‌فدی هه‌ردوولا له‌ كۆبوونه‌وه‌دان.

په‌یامنێری په‌یام گواستییه‌وه‌، پرسی په‌یوه‌ندییه‌كانی هه‌ردولاو ره‌وشی ئێستای هه‌رێمی كوردستان و دۆخی هاوڵاتیان ته‌وه‌ری سه‌ره‌كی كۆبوونه‌وه‌ی هه‌ردوولایه‌.

وه‌فدی باڵای كۆمه‌ڵی ئیسلامی پێكهاتووه‌ له‌هه‌ریه‌كه‌،" مامۆستا عه‌لی باپیر – محه‌مه‌د حه‌كیم – عه‌بدولستار مه‌جید – رێبوار حه‌مه‌د – حه‌سه‌ن بابه‌كر –فاروق عه‌لی"،

وه‌فدی گۆڕانیش پێكهاتووه‌ له‌،" عومه‌ری سه‌ید عه‌لی – جه‌لال جه‌وهه‌ر -  برزۆ مه‌جید – ده‌رباز محه‌مه‌د

پێشتر بزوتنه‌وه‌ی گۆڕان رایگه‌یاندبوو،  بۆ خوێندنەوەی هەلومەرجی بابەتی، سیاسی و داراییەکانی عێراق، هەرێمی کوردستان و ناوچەکەزنجیرەیەک سەردانە بۆ خێراکردنی پڕۆسەی چاکسازی بۆلای لایه‌نه‌ سیاسییه‌كان ئه‌نجام ده‌ده‌ن.