ڤاڵڤێردی لە وەرگرتنی ڕاهێنەرایەتی یانەیەک نزیک دەبێتەوە

پەیام سپۆڕت

پێدەچێت ھەر لەم وەرزەدا ئیرنییستۆ ڤالڤێردی راھێنەری پێشوی بەرشەلۆنە بگەڕێتەوە بواری راھێنان و پۆستی راھێنەرایەتی یانەی ڤالەنسیا وەربگرێت.

سەرچاوەکانی ھەواڵی ئیسپانیا و بە تایبەت ئێزگەی ئۆنداسیرۆی ئیسپانی ئاشکرایکرد کە کارگێری ڤالەنسیا کۆبونەوەیەکی بە پەلە لەگەڵ تیمی ھونەری تیپەکەیان ئەنجام دەدەن لەگەڵ گەرانەوەیان بۆ ڤالەنسیا ئەمەش بەھۆی ئەنجامە خراپەکانی تیپەکە کەلە چوار یاری رابردوو تەنھا یەکسانبونێکیان تۆمارکردوە و دووریش نییە سیلادێس لە پۆستەکەی دووربخرێتەوە.

سەرچاوەکە ئاماژەی بەوەشکردوە کە گفتوگۆی سەرەتای لەگەڵ ڤالڤێردی کراوە تائەوەی پۆستی راھێنەرایەتی یانەکە وەربگرێت و لە حاڵی بڕیاری لابردنی سیلادێس راستەوخۆش پۆستەکە بە راھێنەرەکەی پێشووی بەرشەلۆنە دەدرێت.