ڕۆژنامه‌یه‌ك: بەرزترین ڕێژەی جگەرەکێشان لەسەر ئاستی جیهان لە وڵاتی ئوردونە

په‌یام

ڕۆژنامەی گاردیان: بەرزترین ڕێژەی جگەرەکێشان لەسەر ئاستی جیهان لە وڵاتی ئوردونە.

ڕۆژنامەی (گاردیان)ی بەریتانی پشتبەستوو بە ڕاپۆرتێک ئاشکرای کردووە کە بەرزترین ڕێژەی جگەرەکێشان لەسەر ئاستی جیهان لە وڵاتی ئوردونە.

ڕۆژنامەکه نووسیویەتی: لە هەر ١٠ هاووڵاتییەکی ئوردونی هەشتیان جگەرەی ئاسایی، یان ئەلیکترۆنی، دەکێشن.

ژمارەکانی راپۆرتەکەی گاردیان پشت دەبەستێ بە توێژینەوەیەکی حکومی بە هاوکاری ڕێکخراوی تەندروستیی جیهانی.

بەپێی توێژینەوەکە "جگە لە جگەرەی ئەلیکترۆنی، یان ئەوانەی نیکۆتینیان تێدا نییە، ڕێژەی لەسەدا ٦٦ی پیاوان و لەسەدا ١٧ی ئافرەتانی ئوردونی وەک جگەرەکێش ئەژمار دەکرێن".

لەوبارەوە، (فارس حەواری) سەرۆکی بەشی نەخۆشی و چاودێری ورد لە ناوەندی شێرپەنجەی حسێن لە ئوردن دەڵێ: تێکڕای گشتی جگەرەکێشان بەشێوەیەکی زۆر مەترسیدار بەرزە و پێشبینی کارەساتێکی تەندروستی لە داهاتوودا لێ دەکرێت.

ئەمەو ژمارەکانی ئوردون تایبەت بە جگەرەکێشان لەگەڵ وڵاتانی ئەوروپا و ئەمریکا و ئوسترالیا زۆر جیاوازە، چونکە ژمارەی ژمارەی جگەرەکێشان لەو وڵاتانە لە سێ دەیەی ڕابردوودا بەهۆی سنووردارکردنی ڕیکلام و هەڵمەتەکانی هۆشیاری، بەشێوەیەکی بەرچاو دابەزیوە ئەم بەشەیشی بۆ زیاد بکەن: بەرپرسانی ئێستا و پێشووی حکومەتی ئوردونی دەڵێن: کۆمپانیاکانی بازرگانی جگەرە پەیوەندی بەهێزیان لەگەڵ پەڕلەمانتاران هەیە.

ئەوەی ئەم بۆچوونەش پشت ڕاست دەکاتەوە لە ساڵانی ڕابردوودا ئەنجومەنی ئەعیانی ئوردون ڕەتی کرەوە کێشانی جگەرە لە نێو هۆڵی پەڕلەمانیش قەدەغە بکات!