12/06/2020
548 جار خوێنراوەتەوە
پیرۆ.. لەدوای بڵاوبوونەوەی پەتای كۆڕۆناوە هەناردەی زەنجەبیل بە ڕێژەی لەسەدا 150 بەرز بووەتەوە
پهیام
لە وڵاتی پيرۆ لە خۆراوای ئەمريكای باشوور، لەدوای بڵاوبوونەوەی پەتای كۆڕۆناوە هەناردەی زەنجەبیل بە ڕێژەی لەسەدا 150 بەرز بووەتەوە.
لە وڵاتی پیرۆ، چارەكی یەكەمی ئەمساڵ، بەراورد بە هەمان ماوە لە ساڵی ڕابردوودا ئاستی هەناردەی زەنجەبیل بۆ سێ هێندە بەرز بووەتەوە.
بەرپرسانی حكومەتی پیرۆ دەڵێن: ئەمریكا، هۆڵەندا و ئیسپانیا لە ڕیزبەندی یەكەمی ئەو وڵاتانانە كە بەرهەمی زەنجەبیلمان دەكڕن.
لە دوای بڵاوبوونەوەی پەتای ڤایرۆسی كۆڕۆناوە گرنگییەكی بەرچاو بەو خۆراك و گژ وگیایانە دەدرێت كە بۆ بەهێزكردنی دەزگای بەرگری جەستە بەسوودن، زەنجەبیلیش بەهۆی ئەوەی دژەئۆكسیدی تێدایە، یەكێكە لەو خۆراكانەی بەرگری لەش بەهێز دەكات.
ئامادەكردنی كەمال حەمە سەرگەڵویی
لە تۆڕە کۆمەڵایەتیەکان شەیری بکە