فەڕمی.. کاڵچۆ سیستمی 5 گۆڕانکاری جێبەجێ دەکات

پەیام سپۆرت - بڕیار تەها

یەکێتی تۆپی پێی ئیتاڵیا بڕیاریدا هاوشێوەی خولی نایابی ئینگلیزی لە خولی ئیتاڵیشدا یانەکان بتوانن 5 گۆڕانکاری لە یەک یاریدا ئەنجام بدەن.

 
لە پێگەی تایبەت بەخۆی یەکێتی تۆپی پێی ئیتاڵی نووسراوێکی بڵاوکردەوە و تیایدا ئاماژەی بەوەکرد، لە پێناو ئاسانکاری زیاتر یانەکان دەتوانن لە یەک یاریدا 5 گۆڕانکاری ئەنجام بدەن، ئەمەش پاش ئەوەی یەکێتی تۆپی پێی جیهانی ناسراو بە فیفای مانگی ڕابردوو ڕێگەیدا خولەکان ئەو شێوازە تازەیە جێبەجێ بکەن.

بەڵام یەکێتییەکە مەرجی بۆ 5 گۆڕانکارییەکە داناوە و دەبێت هەر 5 گۆڕانکارییەکە بەسەر 3 کاتی جیاوازی یارییەکەدا دابەش بکرێت و ڕێگە نادرێت یانەیەک لە 5 کاتی جیاوازدا هەر پێنج گۆڕانکارییەکە ئەنجام بدات.

جێی ئاماژەیە 12ی ئەم مانگە جامی ئیتاڵی و 20 ئەم مانگەش خولی ئیتاڵی دەست پێ دەکاتەوە و وا بڕیاریشە هەر سێ ڕۆژ جارێک یارییەک ئەنجام بدرێت.