29/05/2020
805 جار خوێنراوەتەوە
پاریس سانجێرمان گرێبەستی یاریزانێکی گرنگی یەکلایکردەوە
پەیام سپۆرت - بڕیار تەها
یانەی پاریس سانجێرمانی فەرەنسی لەگەڵ یانەی ئینتەرمیلانی ئیتاڵی سەبارەت بە گواستنەوەی ماورۆ ئیکاردی ئەرجەنتینی گەیشتۆتە ڕێککەوتن و تەنیا ڕاگەیاندنی فەڕمی ماوە.
فاریزیۆ ڕۆمانۆی ڕۆژنامەنووسی بە ناوبانگی ئیتاڵی وردەکاری ڕێککەوتنی هەردوو یانەکەی بڵاوکردەوە و ئاشکرای دەکات، کارگێڕی پاریس دواجار توانی گفتوگۆکانی لەگەڵ ئینتەرمیلان بگەیەنێتە ئەنجام و گرێبەستی ئیکاردی لە خواستنەوە بکاتە هەمیشەیی، یانە فەرەنسییەکە 50 ملیۆن یۆرۆی کاش وەک نرخی ئیکاردی بە نێرازۆری دەدات و بەرپرسانی ئینتەرمیلانیش ڕەزامەندییان لەسەر ئەو 50 ملیۆنە نیشان داوە، بەڵام بەو مەرجەی 7 ملیۆنی دیکەش وەک پاداشت لە گرێبەستەکەدا جێ بکرێتەوە.
ئیکاردی هاوینی ڕابردوو بە خواستن پەیوەندی بە یانەی پاریس سانجێرمانەوە کرد و 31ی ئەم مانگەش کۆتایی بە خواستنەکەی دەکات.
لە تۆڕە کۆمەڵایەتیەکان شەیری بکە