29/05/2020
562 جار خوێنراوەتەوە
لە شاری سەردەشتی خۆرەڵاتی كوردستان ژمارەیەك ئەندامی سوپای پاسەوانی سنووری ئێران كوژران
پهیام
لە ڕووبەڕووبوونەوەیەكی چەكدارییدا لە شاری سەردەشتی خۆرەڵاتی كوردستان ژمارەیەك ئەندامی سوپای پاسەوانی سنووری ئێران كوژران.
ئاژانسی هەواڵی كۆماری ئیسلامیی ئێران (ئیرنا) بڵاوی كردەوە: لەمیانی ڕووبەڕووبوونەوەیەكی چەكدارییدا لە شاری سەردەشتی سەر بە پارێزگای ئازەربایجای خۆراوا، سێ ئەندامی هێزەكانی سوپای پاسەوانی سنوور، كوژراون.
لەو بارەوە، (ئەقسا نەخشی پوور) قائیمقامی شاری سەردەشت ڕایگەیاند: سێ ئەندامی هێزەكانی پاسەوانی سنووری سەر بە شاری سەردەشت لەو ڕووبەڕووبوونەوەیەكدا لەگەڵ ژمارەیەك چەكداری نەناسراو، كوژراون.
(نەخشی پوور) ڕایشیگەیاند: ڕووداوەكە بەرەبەیانی ئەمڕۆ لە ناوچەی (گۆریلكە)ی 20 كیلۆمەتر دوور لە سەردەشت ڕووی داوە و تێیدا ژمارەیەك لە چەكدارە هێرشبەرەكانیش كوژراون.
شاری سەردەشت، دەكەوێتە باشووری پارێزگای ئازەربایجانی خۆراوا و بە 100 كیلۆمەتر سنووری لەگەڵ عێراق هاوبەشە.
هەرچەندە ئاژانسەكە ناوی ئەو گرووپە چەكدارییەی نەهێناوە كە لەگەڵ هێزەكانی پاسەوانی سنوور ڕووبەڕوو بوونەتەوە، بەڵام پێشتر ئەو ناوچەیە پێكدادانی هاوشێوەی هێزەكانی حكومەت و پارتی ژیانی ئازاد (پژاك)ی بەخۆوە دیوە.
لە تۆڕە کۆمەڵایەتیەکان شەیری بکە