27/05/2020
567 جار خوێنراوەتەوە
مۆرینیۆ زۆر نیگەرانە و قسەی خۆی کرد
پەیام سپۆرت
خۆسێ مۆرینیۆی پۆرتوگالی و ڕاهێنەری تۆتینهام نیگەرانی خۆی نیشان دەدات بە دەستپێنەكردنەوەی چالاكیەكان لە ئینگلتەرا و پێیوایە هیچ كام لەیاریزانان پاش گەڕانەوەیان بۆ یاریەكان ناتوانن ئاستی خۆیان پێشكەش بكەن.
لەمیانەی لێدوانێكیدا ڕاهێنەرەكەی سپێرز سەرەتا وتی: بەداخەوە ئەم وەستانە كاریگەریەكی زۆر خراپی لەسەر توانای جەستەیی یاریزانەكان دروست كردووە و كاتی تەواویشمان لەبەردەمدا نییە بۆ گێرانەوەی توانا جەستیەكان بۆیە یاریزانان لە داهاتوو ناتوانن ئاستی خۆیان پێشكەش بكەن.
دواتر مۆرینیۆ لەبەرانبەر پریمەرلیگەوە وتی: پاش ئەوەی خولی ئەڵمانی دەستیپێكردەوە و ئیسپانیا و پرتوگالیش وادەی گەرانەوەیان بۆ یاریەكان دیاریكرد، ئێمە ناخۆشترین ساتەكان بەرێدەكەین چونكە ناكرێت وڵاتانی دیكە یاریەكان بەرێوەبچێت و ئێمەش هەر چاوەرێ بكەین.
هەروەها مۆرینیۆ ئاماژەی بەوەكرد كە لەبەردەم ئەركێكی قورسدایە بۆ ئامادەكردنەوەی یاریزانەكان بۆ تەواوكردنی یاریەكانی ئەم وەرزە، لەكاتێكدا دەبوایە ئێستا پلانی مێركاتۆی یانەكەی دابڕشتایە تائەوەی لەوەرزی داهاتوو بەبەهێزتر بگەرێنەوە ڕكابەرییەكان.
لە تۆڕە کۆمەڵایەتیەکان شەیری بکە