27/05/2020
496 جار خوێنراوەتەوە
ئەحمەد داود ئۆغلۆ: یاساكان بەجۆرێكن كەس ناتوانێت لێپرسینەوە لەگەڵ سەرۆككۆمار بكات
پەیام
ئەحمەد داودئۆغڵو، سەرۆكوەزیرانی پێشووتری توركیا
رەخنەی توند لە سیستمی سەرۆكایەتیی حكومەتی توركیا دەگرێت و رایدەگەیەنێـت یاساكان
بە شێوەیەكە هیچ كەسێك ناتوانێ لێپرسینەوە لەگەڵ سەرۆككۆمار بكات.
داودئۆغڵو لە چاوپێكەوتنێكی تەلەڤزیۆنیدا رایگەیاند
بۆ ئەوەی ئازاد بم دەستم لە پۆستی سەرۆكوەزیران كێشایەوە، هەستمكرد رێگە نادەن بە
ئازادی پۆستی سەرۆكوەزیران بەڕێوەببەم.
داودئۆغڵو لەبارەی دۆخی ئێستای توركیا وتی
جاران لە ئاكپارتیدا بەرەنگاربوونەوەی گەندەڵی و قەدەغەكان بۆ ئێمە دروشم بوون، بەڵام
ئێستا سەیر دەكەیت هەموو جۆرە قەدەغەیەك هەیە.
داودئۆغڵو كە ئێستا سەرۆكی پارتی ئایندەیە رەخنەی توندی لەم سیستمە سەرۆكایەتییەی حكومەت
گرت و وتی نەریتەكە بە شێوەیەكە هیچ كەسێك ناتوانێ لێپرسینەوە لەگەڵ سەرۆككۆمار
بكات.
داودئۆغڵو لە ساڵانی 2003 بۆ 2009 گەورە راوێژكاری
هەردوو سەرۆكوەزیرانی توركیا (عەبدولڵا گویل و رەجەب تەیب ئەردۆغان) بووە، لە ساڵانی
2009 بۆ 2014 وەزیری دەرەوەی توركیا بوو، هاوكات بە ئەندازیاری سیاسەتی وڵاتەكەی لە
بەرامبەر قەیرانی سووریا دادەنرێت.
لە تۆڕە کۆمەڵایەتیەکان شەیری بکە