27/05/2020
504 جار خوێنراوەتەوە
مەڵبەندی سێی كۆمه‌ڵی ئیسلامی پێشوازی لە پارێزگاری هەولێر كرد
پەیام
ئەمڕۆ دكتۆر فرسەت سۆفی پارێزگاری هەولێر و عەلی
ڕەشید سەرۆكی ئەنجومەنی پارێزگای هەولێر و هێمن قادر جێگری پارێزگار و نەبەز
عبدالحمید قایمقامی هەولێر سەردانی مەڵبەندی سێی هەولێری كۆمەڵی ئیسلامیان كردو لەلایەن
مامۆستا كەمال حەمزە بەرپرسی مەڵبەند و مامۆستا چنار سەرۆكی فڕاكسیۆنی كۆمەڵ لە ئەنجومەنی
پارێزگای هەولێرو كارگێڕانی مەڵبەندەوە پێشوازیان لێكرا.
سەرەتا پارێزگاری هەولێر جەژنە پیرۆزەی ئاڕاستەی
كۆمەڵی ئیسلامی كردو ، سوپاسی هەڵوێستی كۆمەڵی كرد لەسەر هاوكاری كردنیان لە ڕووبەڕووبونەوەی
پەتای كۆڕۆنادا .
هاوكات خوازیاری پەیوەندی و هاوكاری و تەبایی زیاتر
بوو لەگەڵ هەموو لایەنە سیاسیەكانی سنووری پارێزگای هەولێر .
لای خۆشیەوە مامۆستا كەمال حەمزە بەرپرسی مەڵبەند
دووپاتی كردەوە: كۆمەڵی ئیسلامی هەمیشە ئامادەیە بەرژەوەندیەكانی خۆی بكاتە قوربانی
بەرژەوەندی گشتی هاوڵاتیان ئەمەشی چەندین
جار بە كردەوە سەلماندوە.
ئەمەو دانیشتنەكە نزیكەی كاتژمێرێكی خایاندو،
دواتر وەفدی میوان بەڕێزەوە بەڕێخران.
لە تۆڕە کۆمەڵایەتیەکان شەیری بکە