27/05/2020
2369 جار خوێنراوەتەوە
یاریزانێکی سەرەکی ڕیاڵ مەدرید (بەڵێ)ی بۆ درێژکردنەوەی گرێبەستەکەی کردووە
پەیام سپۆرت - بڕیار تەها
یانەی ڕیاڵ
مەدریدی ئیسپانی لە نوێکردنەوەی گرێبەستی هێنریک کاسێمیرۆ بەڕازیلی و یاریزانی
هێڵی ناوەندی یانەکەی نزیکبۆتەوە.
سەبارەت بە
جوڵەکانی کارگێڕی یانەی شاهان، ڕۆژنامەی (مارکا)ی نزیک لە یانە مەدریدییەکە
ئاشکرای دەکات، بەرپرسانی یانەی ڕیاڵ مەدرید هەوڵەکانیان بۆ نوێکردنەوەی گرێبەستی کاسێمیرۆ
لە هەنگاوی کۆتایی نزیک کردۆتەوە و لە دواین گفتوگۆیاندا لێکتێگەیشتنی زۆر باش لە
نێوانیاندا ڕوویداوە.
ڕۆژنامەکە ئەوەشی
خستۆتە ڕوو، خودی یاریزانە بەڕازیلییەکەش ڕەزامەندی نیشانداوە، تا هاوینی 2023 گرێبەستەکەی
لەگەڵ قەڵای سپی درێژ بکاتەوە، ئەم بڕیارەی کاسێمیرۆش پاش ئەوە دێت کە زەینەدین
زیدانی فەرەنسی گەڕاوەتەوە یانەکە و تا ڕادەیەکی دۆخێکی باشی بۆ یاریزانەکان دروست
کردۆتەوە و یاریزانەکە بەردەوام یەکێک بووە لە یاریزانە سەرەکییەکان تیمەکەی لۆس
بلانکۆس.
کاسێمیرۆ هاوینی 2013 پەیوەندی بە
یانەی ڕیاڵ مەدریدەوە کردووە و لە ماوەی ئەم چەند ساڵەشدا ڕۆڵی لە بردنەوەی چوار
نازناوی یانە پاڵەوانەکان بۆ یانەی شاهانە هەبووە و 229 یاری بە
درێسی ئەو یانە مەدریدییەوە ئەنجام داوە.
لە تۆڕە کۆمەڵایەتیەکان شەیری بکە