ڕاهێنەری بایرن میونخ لە ئاستی یاریزانێکی دۆڕتمۆند کەم دەکاتەوە

پەیام سپۆرت

هانزی فیلیکی ڕاهێنەری یانەی بایرن میونخی ئەڵمانی ڕەتیدەکاتەوە لیڤاندۆڤسکی هێرشبەری یانەکەی بە هالاندی هێرشبەری دۆڕتمۆند بکات و هاوکات ئامادەنەبوونی یاریزانێکی یانەکەشی بۆ ڕووبەڕووبوونەوەی ئەو یانە زەردپۆشە ڕادەگەیەنێت.

لە میانی ئەو کۆنگرە ڕۆژنامەوانیەیی بۆ یاری یانەکەی بەرانبەر دۆڕتمۆند بۆی سازکرابوو، سەرەتا فیلیکی ڕاهێنەری یانە باڤارییەکە ستایشی ئاستی هالاندی کرد و بە یەکێک لە باشترین هێرشبەرەکانی جیهانی وەسف کرد، بەڵام دواتر ڕەتیکردەوە ئەو هێرشبەرە نەرویجییە بە لیڤاندۆڤسکی هێرشبەری یانەکەی بەراورد بکات و وتی: ناتوانین ئەو بەراوردکارییە بکەین، چونکە لیڤاندۆڤسکی لەم ساڵانەی کۆتاییدا ئاستێکی زۆر بەرزی نیشان داوە.

لە درێژەی قسەکانیدا هانزی فیلیک ئاماژەی بەوەکرد، یارییەکەیان زۆر بەهێز دەبێت و پێویستە لەسەریان هەموو پارێزگارییەک لە خۆیان بکەن، چونکە دواتر چەندین یاری دیکەیان دەمێنێت.

لە کۆتایشدا ڕاهێنەرەکەی بایرن میونخ ئاشکرایکرد، تیاگۆ ئالکانتارا بە تەواوی لە پێکانەکەی چاک نەبۆتەوە و بەشداری مەشقەکانی نەکردووە و بۆ ڕووبەڕووبوونەوەی دۆڕتمۆند ئامادە نابێت.