23/05/2020
330 جار خوێنراوەتەوە
عێراق.. له ماوهی مانگێكدا زیاترله 100 ههزار دۆنم زەوی كشتوكاڵی سووتاون
پهیام
لە ٢١ی نیسان تاوهكو ٢٢ی ئایار، 164 رووداوی ئاگركەوتنەوە لەزەوییە كشتوكاڵییەكان روویداوە، كە بەهۆیەوە ١٠١ ھەزار و ٢٢٢ دۆنم زەوی كشتوكاڵی لە ژمارەیەك پارێزگای ناوەڕاست و باشووری عێراق سووتاوە.
بەرێوەبەرایەتی بەگری شارستانی عێراق له راگهیهندراوێكدا رایگەیاند، لەماوەی ئەو مانگە زۆرترین رووداوەكانی ئاگركەوتنەوە لەپارێزگای سەڵاحەددین كەوتووتەوە، كە 48 رووداوە و دوای ئەوەیش پارێزگای نەینەوا بە 25 و پارێزگای دیالە بە 20 رووداو دێن.
راشیگەیاند، رووداوەكانی ئاگركەوتنەو 65یان بەهۆی شۆرتی كارەبا، 27ی دیكەیان لە ئەنجامی فرێدانی ئاگر لە ماكینی دەڕاسە و 18 دیكەیان سەرچاوەكەی ئاگری دەرەكی، 13ی دیكەیان لە ئەنجامی ئاگری جگەرە و نۆی دیكەی بە ئەنقەست و هەشتی دیكەشیان لە ئەنجامی كردەی تیرۆریستی بوون.
هەروەها ئاماژهی بهوهشكردووه 34 رووداوی ئاگرتنەوەی دیكهش هۆكاری كهوتنهوهی ئاگرهكهیان دیار نییە، بەڵام لێكۆڵینەوەیان لەبارەوە دەكرێت.
لە تۆڕە کۆمەڵایەتیەکان شەیری بکە