ئەستێرەیەکی چێڵسی ڕەخنەی توند لە ڤان دایک دەگرێت

پەیام سپۆرت - بڕیار تەها

مایکڵ بالاکی ئەڵمانی و ئەستێرەی مێژووی یانەی چێڵسی لەندەنی ڕەخنەیەکی توند ئاڕاستەی ڤان دایکی هۆڵندی و بەرگریکاری یانەی لیەرپووڵ دەکات.

لە لێدوانێکیدا بۆ ڕۆژنامەی دەیلی مەیلی بەڕیتانی و سەبارەت بە ڤان دایک، بالاک وتی: ڤان دایک یاریزانێکی بە بەختە، چونکە لە سەردەمی گەورەکانی پڕێمەرلیگدا یاری ناکات و لە ئێستادا هێرشبەرانی خولی ئینگلیزی بەو جۆرە لە ئاستێکی بەرزدا نین.

لە درێژەی قسەکانیدا ئەستێرە ئەڵمانییەکە ئەوەی خستەڕوو، ڤان دایک لە سەردەمێکی پڕێمەرلیگدا یاری دەکات کە هێرشبەرانی وەک هێنری و درۆگبا و ڕۆنی و ڤان پێرسی و ئالان شیرەر و تیڤێز لە خولەکەدا نەماون، بۆیە ئاساییە کاتێک خەڵکێک هەیە ڤان دایک بە باشترین بەرگریکاری مێژووی خولەکە بزانن.