22/05/2020
718 جار خوێنراوەتەوە
سلێمانی.. هەڵمەتێكی دابەشكردنی (1000) سەبەتەی خۆراك بەسەر كەم دەرامەتان بەڕێوەچوو
پهیام
لە سلێمانی هەڵمەتێكی دیكەی دابەشكردنی (1000) سەبەتەی خۆراك بەسەر كەم دەرامەتان بەڕێوەچوو.
دكتۆر هێمن زەمانی، خاوەنی پرۆژەكە راگەیاند: پەتای كۆرۆنا جگە لەوەی نەخۆشییەكە، گرفتی لەخۆی گەورەتری دروستكروە ئەویش قەیرانی داراییە كە بوەتەهۆی ئەوەی خەڵكانێك نەتوانن ژەمە خۆراكی رۆژانەیان دابین بكەن، بۆیە بیریان لەوە كردەوە بەپێی توانای خۆیان سەبەتەی خۆراك دابین بكەین.
وتیشی: لەوانەیە ئەم هاوكارییە بەشی هەمو هەژاران نەكات، بەڵام هەوڵێكە بۆ كۆمەككردنی هەژاران و دابینكردنی بەشێك لە پێداویتسیەكانیان .
هاوكات د. هەڤاڵ ئەبوبەكر، پاریزگاری سلێمانی ئاشكرایكرد: جگە لە حكومەتی هەرێم و حكومەتی خۆجێیی، خەڵكانێكی خێرخواز و رێكخراوە ناوخۆیی و نێودەوڵەتیەكان هاوكاربون، تائێستاش نزیكەی (100) هەزار بەشە خۆراك لە سنوری پارێزگای سلێمانی دابەشكراوە.
وتیشی: بەرنامەیەكمان هەیە لەلایەن حكومەتەوە بۆ دابەشكردنی خۆراك و پێداویستی مانگێك بۆ (50) هەزار خێزان لە سنوری سلێمانی و پرۆسەكەش لە قەزا و ناحیەكانەوە دەستی پێكردوە.
لە تۆڕە کۆمەڵایەتیەکان شەیری بکە