22/05/2020
355 جار خوێنراوەتەوە
ئه‌حمه‌دی حاجی ڕه‌شید: حكومەتی هەرێم ناچارە 400 ملیار دۆلارەكه بەسەر مووچەخۆراندا دابەش بكات
په‌یام
ئەندامێكی كورد لە پەڕلەمانی عێراق ڕایگەیاند: حكومەتی هەرێم ناچارە ئەو 400 ملیار دۆلارەی بەغدا بۆی دەنێرێت بەسەر مووچەخۆراندا دابەشی بكات.
لە میانی لێدوانێكیدا بۆ دەنگی ئەمریكا، ئەحمەد حاجی ڕەشید ئەندامی لیژنەی دارایی لە پەڕلەمانی عێراق ڕایگەیاند: حكومەتی هەرێم پێویستە لەسەری ئەو 400 ملیار دینارەی بەغدا بۆی دەنێرێت دەستبەجێ دوای جەژن بەسەر فەرمانبەراندا دابەشی بكات.
ئەحمەدی حاجی ڕەشید وتیشی: ئەو 400 ملیارە ئەو بڕە پارەیە نییە كە لە بودجەی 2019دا دیاری كرا بوو، كە بریتییە لە یەك لەسەر 12ی بودجە.
بەپێی قسەی ڕەشید "هەریەك لە سەرۆككۆمار و نوێنەری نەتەوەیەكگرتووەكان بە سەرۆكوەزیرانی عێراقیان ڕاگەیاندووە كە مووچەی مووچەخۆرانی هەرێم بنێرێت".
ئەو ئەندامە كوردەی پەڕلەمانی عێراق ئاماژەی بەوەش دا كە هەرێم و ناوەند گەیشتوونەتە داڕشتەیەكی ڕێكەوتن كە هەرێم ڕۆژانە 250 هەزار بەرمیل و نیوەی داهاتە فیدراڵییەكان لە گومرگ و باج ڕادەست بكات، لە بەرانبەردا عێراق تا ڕاددەیەك ڕەزامەندی لەسەر ناردنی 500 ملیار دینار وەك مووچەی مووچەخۆران دەر بڕیوە.
ئەحمەدی حاجی ڕەشید دەڵێ: ئەم داڕشتەیە ماوەتەوە سەر ئەوەی واژۆی لەسەر بكرێت.
لە تۆڕە کۆمەڵایەتیەکان شەیری بکە