22/05/2020
404 جار خوێنراوەتەوە
كهركوك.. لە هێرشێكی داعش بۆ سەر پاڵاوگەیەكی نەوت كەسێك گیانی لەدەستدا
پهیام
لە هێرشێكی چەكدارانی داعش بۆ سەر پاڵاوگەیەكی نەوت لە كەركووك، كەسێك گیانی لەدەستدا و سێ كەسی دیكەش برینداربوون.
عەلی كەمال، بەڕێوەبەری پۆلیسی كەركووك، لە لێدوانێكیدا ڕایگەیاند: چەكدارانی رێكخراوی داعش لە نزیك چەمی گورگەچاڵ لە رۆژئاوای كەركووك هێرشیان كردووەتە سەر پاڵاوگەیەكی ئەهلی نەوت و پاسەوانانی دەروازەی پاڵاوگەكەیان كردووەتە ئامانج.
وتیشی: هێرشەكە بە چەكی سووك ئەنجامدراوە و لە ئاكامدا پاسەوانێكی پاڵاوگەكە گیانی لەدەستداوە و سێ كەسی دیكەش برینداربوون.
بەڕێوەبەری پۆلیسی كەركووك ئاشكرایكرد: چەكدارەكان ڕاستەوخۆ دوای هێرشەكە هەڵاتوون و هێزە ئەمنییەكانیش ئۆپەراسیۆنێكیان لە ناوچەكە بەمەبەستی دەستگیركردنیان دەستپێكردووە.
لە تۆڕە کۆمەڵایەتیەکان شەیری بکە