پێش 1 هەفتە 173 جار خوێنراوەتەوە

مستەفا کازمی: لە سایەی گەنجینەیەکی بەتاڵ ئەرکەکەم وەرگرتووە


په‌یام

سەرۆکوەزیرانی عێراق، مستەفا کازمی رایگەیاند کە لە سایەی گەنجینەیەکی بەتاڵەوە ئەرکەکەی وەرگرتووە، جگەلەوەیش سەروەری عێراق کەموکوڕی هەیە و چەکیش بەتەواوی لە دەست دەوڵەتدا نییە.

مستەفا کازمی لە وتارێکیدا کە لە رۆژنامەی "بەغداد ئەلیوم" بڵاوکراوەتەوە نووسیویەتی "کاتێک ئەرکەکەم وەرگرتووە، هاتموومەتە سەر گەنجینەیەکی نیمچە بەتاڵ، بەدەرلەوەیش سەروەرییمان بەردەوام رووبەڕووی کەمکوڕی و پێشێلکاری بووەتەوە.

هەوڵدەدرێت، خاکی وڵاتەکەمان بکرێت بە گۆڕەپانی یەکلاییکردنەوەی ململانێی نێوان ئەوانەی دیکە، هەڕەشە لەسەر ئاسایشی هاووڵاتییانمان هەیە، ئەوەیش بەهۆی  پەلامارەکانی شانە نووستووەکانی داعش، هەروەها چەکیش بەتەواوی لە دەست دەوڵەتدا نییە".

مستەفا کازمی لە وتارەکەیدا باسی لەوەشکردووە کە قەیرانەکە هەموو دامەزراوەکانی دەوڵەتی گرتووەتەوە، تەنانەت بووەتە ئاستەنگ لەبەردەم باشبوونی رەوشی ئابووری و لە ماوەکانی رابروودا، نەتواندراوە پەرە بە کەرتە گرنگەکانی وەک پیشەسازی، وەبەرهێنان و ئاسایشی خۆراک بدرێت.

سەرۆکوەزیرانی عێراق لە وتارەکەیدا داوا لەلایەنە سیاسییەکان و ئەنجوومەنی نوێنەران دەکات کە پشتیوانی لە حکوومەتی نوێ و پرۆسەی تەواوکردنی کابینەی حکوومەت بکەن.

سەرۆکوەزیرانی عێراق، مستەفا کازمی لە کۆتایی وتارەکەیدا جەختیکردووەتەوە لەسەر ئەوەی کە گەڕاندنەوەی شکۆ بۆ وڵات پێویستی بەوە دەکات کە هیچ هێزێک لەسەرووی دەستوور و یاساوە نەبێت، چەکیش تەنها لەدەست دەوڵەتدا بێت.

لە تۆڕە کۆمەڵایەتیەکان شەیری بکە

  • 23 کاتژمێر پێش ئێستا

    دژه‌ تیرۆری عێراق: له‌ هێرشێكی ئاسمانییدا والی داعش له‌ عێراق كوژرا

  • 1 رۆژ پێش ئێستا

    هۆشیار عەبدووڵڵا: هەنگاوەكانی وه‌زیری دارایی عێراق شایانی پشتیوانیكردنە

  • 2 رۆژ پێش ئێستا

    عێراق.. دەستپێکردنەوەی گەشتە ئاسمانییەکان رەت دەکرێتەوە

  • 4 رۆژ پێش ئێستا

    گۆڤارێكی ئه‌مریكی باسی ستراتیژیی چاكسازیی سه‌رۆك وه‌زیرانی عێراق ده‌كات

  • 4 رۆژ پێش ئێستا

    نه‌ته‌وه‌ یه‌كگرتووه‌كان: تا ئێستا 490 خۆپیشانده‌ر له‌ عێراق كوژراون

  • 4 رۆژ پێش ئێستا

    عێراق.. له‌ ماوه‌ی مانگێكدا زیاترله‌ 100 هه‌زار دۆنم زەوی كشتوكاڵی سووتاون

  • 5 رۆژ پێش ئێستا

    یه‌كه‌م ڕۆژی جه‌ژن له‌ هه‌رێمی كوردستان و عێراق دیاریكرا

  • 5 رۆژ پێش ئێستا

    ئه‌حمه‌دی حاجی ڕه‌شید: حكومەتی هەرێم ناچارە 400 ملیار دۆلارەكه‌ بەسەر مووچەخۆراندا دابەش بكات

سەرەتا