19/05/2020
416 جار خوێنراوەتەوە
هێرشبەرێکی پرێمەرلیگ لە ترسی کۆرۆنا ڕەتیدەکاتەوە بەشداری مەشقەکان بکاتەوە
پەیام سپۆرت - بڕیار تەها
ترۆی دینێی کاپتن
و هێرشبەری یانەی واتفۆردی ئینگلیزی ڕەتیدەکاتەوە بەشداری مەشقەکانی یانەکەی بکات
و هۆکارەکەشی ئاشکرا دەکات.
لە میانی
لێدوانێکیدا کە هەردوو ڕۆژنامەی بی بی سی و سکای سپۆڕتس بڵاویانکردۆتەوە، ترۆی
دینێی دەڵێت: ئاگاداری ئەوەم یانەکان بڕیاریانداوە لەم هەفتەیەدا مەشقەکان دەست پێ
بکەنەوە، بەڵام من وەک خۆم ئاگاداری بەرپرسانی یانەکەم کردۆتەوە و ناتوانم بەشداری
مەشقەکان بکەمەوە و بەشداری نەکردنیشم هیچ پەیوەندییەکی بە پارە و مووچەکەمەوە
نییە.
لە بەشێکی دیکەی
لێدوانەکەیدا هێرشبەرەکەی واتفۆرد هۆکاری نەگەڕانەوەی بۆ ڕاهێنانەکانی یانەکەی
ئاشکرا دەکات و دەڵێت: کوڕەکەم تەمەنی تەنیا 5 ساڵە و بەهۆی تەنگە نەفەسیییەوە
دەناڵێنێت و بە قورسی هەناسەی بۆ دەدرێت، لەبەر ئەوە ناتوانم بەشداری مەشقەکان
بکەم و تێکەڵی هاوڕێکانم ببم و دواتر بگەڕێمەوە ماڵەوە و ژیانی کوڕەکەم بخەمە
مەترسییەوە.
لە تۆڕە کۆمەڵایەتیەکان شەیری بکە