18/05/2020
493 جار خوێنراوەتەوە
مۆرینیۆ یاریزانێکی دیکەی بۆ گەڕایەوە
پەیام سپۆرت
هۆنگ مین سۆنی
کۆری پاش تەواوکردنی ماوەی خزمەتی سەربازییەکەی گەڕاوەتەوە شاری لەندەن و
ئامادەکاری بۆ دەستپێکردنەوەی مەشقەکانی لەگەڵ یانەی تۆتینهام دەکاتەوە.
ڕۆژنامەی
ئیندپێندتی بەڕیتانی ئاشکرایکردووە، ڕۆژی شەممەی ڕابردوو مین سۆن گەڕاوەتەوە
ئینگلتەرا و وا بڕیارە پشکنینی پزیشکی بە مەبەستی ڤایرۆسی کۆرۆنا بۆ یاریزانە
ئەنجام بدرێت و لە ئەگەری نێگەتیڤ بوونی ئەنجامەکەدا ئەوا یاریزانەکە دەتوانێت لە
چەند ڕۆژی داهاتوودا بەشداری ڕاهێنانەکانی یانەکەی بکاتەوە.
مانگی ڕابردوو بە
مەبەستی ئەنجامدانی خزمەتی سەربازی بۆ ماوەی سێ هەفتە، مین سۆن لە شاری سیۆلی
پایتەختی کۆریایی باشوور بە سەرکەوتووی خولێکی مەشق و ڕاهێنانی سەربازی ئەنجام دا،
ئەمە لە کاتێکدا ماوەی خزمەتەکەی یاریزانەکە کەم کرابوویەوە، چونکە مین سۆن ساڵی ٢٠١٨
توانیبووی مەدالیایی ئاڵتونی ئۆڵۆمپی ئاسیا بۆ هەڵبژاردەی وڵاتەکەی بباتەوە.
لە تۆڕە کۆمەڵایەتیەکان شەیری بکە