16/05/2020
366 جار خوێنراوەتەوە
فراكسیۆنی پارتی: كاندیدی ئێمه بۆ وه‌زاره‌تی ده‌ره‌وه‌ی عێراق فوئاد حوسێنه
په‌یام
د. ڤیان سه‌بری سه‌رۆكی فراكسیۆنی پارتی لە په‌رلەمانی عێراق رایده‌گه‌یه‌نێت: كاندیدی ئه‌وان بۆ وه‌زاره‌تی ده‌ره‌وه‌ی عێراق فوئاد حوسێنه.
سه‌رۆكی فراكسیۆنی پارتی له لێدوانێكیدا به ماڵپه‌ڕی فه‌رمی پارته‌كه‌ی وت: "كاندیدی ئێمه بۆ وه‌زاره‌تی ده‌ره‌وه د. فوئاد حوسێنه و مه‌بده‌ئییه‌ن له‌سه‌ری ڕێككه‌وتووین و وه‌ك پارتی ماف و پشكی خۆمانه".
وتیشی: "چه‌ند وه‌زارتێك له كابینه‌ی حكوومه‌تی عێراق ماون كه تا ئێستا پڕ نه‌كراونه‌ته‌وه، دوای ڕێككه‌وتن ڕێكاری پێویست بۆ پڕكردنه‌وه‌یان دەگیرێتە بەر".
هاوكات میاده محه‌مه‌د، په‌رله‌مانتاری پارتی له په‌رله‌مانی عێراق رایگه‌یاند: "كاندیدی ئێمه د. فوئاد حوسێنه و له‌و بارەیە‌شه‌وه هیچ گرفتێك له‌ناو پارتی له‌سه‌ر دیاریكردنی كاندید نییه".
لە تۆڕە کۆمەڵایەتیەکان شەیری بکە