15/05/2020
380 جار خوێنراوەتەوە
هاری کەین دڵی هاندەرانی لیڤەرپووڵ خۆش دەکات
پەیام سپۆرت
هاری كینی ئینگلیزی
و ئەستێرەی یانەی تۆتنهام پێیوایە، یانەی لیڤەرپووڵ شایستەی بەدەستهێنانی نازناوی ئەم
وەرزەی پرێمەرلیگە و ئامادەیی خۆیشی بۆ دەستپێكردنەوەی یاریەكان نیشان دەدات.
لە لێدوانێكدا هاری
كین ڕایدەگەیەنێت یاریكردن بەبێ ئامادەبوونی هاندەران شتێكی نامۆیە و قورسە بیهێنینە
پێش چاو، بەڵام دواجار تەندروستی گشتی لە پێش هەموو شتێكەوەیە و دەبێت پێی رازی بین.
هاوكات ئەو یاریزانە
ئینگلیزییە ئاماژە بەوە دەکات، یانەی لیڤەرپووڵ كە بە جیاوازی 25 خاڵ لە پێش مانچستەر
سیتییەوە پێشەنگی ڕیزبەندی گرتووە شایستەی ئەوەیە نازناوی خولی ئینگلیزی بباتەوە،
ئەویش بەهۆی ئەو دەركەوتنە نایابەی لەم وەرزەدا پێشكەشیان كردوە، هەرچەندە هەستێكی
ناخۆشە بۆ ئەو یانەیە كاتێك نازناوەكە بەرزدەكەنەوە هاندەران ئامادەییان نابێت.
لە كۆتایی لێدوانەكەیدا
كین ڕایدەگەینێت، لە پێكانەكەی بە تەواوی چاكبۆتەوە ئامادەی دەستپێكردنەوەی یارییەكانە
و دۆخی خۆی وا دەبینێت كە زۆر باش دەتوانێت خزمەت بە یانەكەی بكات و لە سەركەوتن دا
هاوكاری بكات.
لە تۆڕە کۆمەڵایەتیەکان شەیری بکە