پێش 2 هەفتە
351 جار خوێنراوەتەوە
كۆنگرێسی ئه‌مریكا پڕۆژه‌یاسایه‌كی تایبه‌ت به چه‌وساندنه‌وه‌ی موسوڵمانانی چین، پەسەند كرد
په‌یام
كۆنگرێسی ئەمریكا پڕۆژەیاسایەكی تایبەت بە پرسی چەوساندنەوەی كەمینەی موسوڵمانی ئەیگۆر لەلایەن حكومەتی چینەوە، پەسەند كرد.
ژووری پیران لە كۆنگرێسی ئەمریكا بە كۆی دەنگ ئەو پڕۆژەیاسایەی پەسەند كرد كە پێشنیازی سەپاندنی سزا بەسەر بەرپرسانی چیندا دەكات كە دەستیان لە چەوساندنەوە و فشار لەسەر كەمینەی مسوڵمانی ئەیگۆر لە ناوچەی خۆبەڕێوەبەری (شینجیانغ) هەبووە.
پڕۆژەیاساكە بە دەستپێشخەری (ماركۆ ڕوبیۆ) سیناتۆری كۆماریخواز پێشكەش بە ئەنجوومەنی پیران كراوە و بەر لەوەی ڕەوانەی كۆشكی سپی بكرێت پێویستە لە ئەنجومەنی نوێنەرانیش دەنگ بهێنێت.
لە پڕۆژەیاساكەدا داوا لە حكومەت دەكرێت سزا بەسەر ئەو بەرپرسە چینیانەدا بسەپێنێت كە بەرپرسن لە سەپاندنی گوشار و توندوتیژی دژ بە توركە ئەیگورەكان و كەمینە موسوڵمانەكانی دیكە.
ئەو هەنگاوەی ئەنجومەنی پیرانی ئەمریكا لەكاتێكدایە لەئێستادا بەردەوام كۆشكی سپی پەكین بە بەرپرسیاری قەیرانی پەتای ڤایرۆسی كۆڕۆنا دەزانێت و بەنیازە لەو ڕووەشەوە سزای بدات.
لە تۆڕە کۆمەڵایەتیەکان شەیری بکە