15/05/2020
1046 جار خوێنراوەتەوە
پێشبینی دەكرێت شەپۆلێكی گەرمای بەهێزی بەشێكی بەرچاو لە ناوچەكانی عێراق بگرێتەوە
په‌یام
دەستەی كەشناسی و زەمینلەرزەزانیی عێراق ڕایگەیاند: شەپۆلێكی گەرمای بەهێز لە باشووری ئەوروپاوە بەرەو عێراق سەر دەكێشێت و تا كۆتایی مانگی پیرۆزی ڕەمەزان بەردەوام دەبێت.
لەمیانی ڕاگەیەندراوێكدا، دەستەی كەشناسی و زەمینلەرزەزانی عێراق ئاشكرای كرد كە پێشبینی دەكرێت بەهۆی ئەو شەپۆلەوە پلەی گەرما، بەتایبەتی لە پارێزگاكانی باشووری عێراق، بەرزبوونەوەیەكی بەرچاو بەخۆوە ببینێت.
دەستەكە ڕایشیگەیاندووە: لە (11) پارێزگای عێراق، پلەكانی گەرما دەگاتە (40) پلە و پێشبینی بەرزبوونەوەی زیاتریشی لێ دەكرێت.
بەپێی زانیاری دەستەی كەشناسی عێراق تا كۆتایی مانگی پیرۆزی ڕەمەزان و جەژن پلەكانی گەرما لە بەرزبوونەوەدا دەبن.
لە پارێزگاكانی هەرێمی كوردستانیش پلەكانی گەرما لە ڕۆژانی داهاتوودا لەنێوان 31 بۆ 34 پلەدایە.
لە تۆڕە کۆمەڵایەتیەکان شەیری بکە