14/05/2020
476 جار خوێنراوەتەوە
چیرۆکی گرێبەستی نێوان "کریستیانۆ و بەرشەلۆنە" ئاشکرا دەبێت
پەیام سپۆرت
ڕۆبێرت فێرناندێزی
سکرتێری پێشووی یانەی بەرشەلۆنە ئاشکرای دەکات، لە سەرەتایی ساڵانی دوو
هەزارەکانەوە دەرفەتی ئەوەیان بۆ ڕەخساوە گرێبەست لەگەڵ کریستیانۆ ڕۆناڵدۆی
پۆرتوگالی ئەنجام بدەن.
لە میانی
دیدارێکیدا لەگەڵ ڕۆژنامەی سپۆڕتی کەتەلۆنی و سەبارەت بە ڕاست و دروست ئەو چیرۆکەی
لە نێوان بەرشەلۆنە و کریستیانۆدا باس دەکرێت، ڕۆبێرت فێرناندێز وتی: ساڵی 2003 بۆ
چاودێریکردنی یاریکردنی کریستیانۆ و کوارێزمان گەیشتینە وڵاتی پۆرتوگال، هەردوو
یاریزانەکە یاریان بۆ یانەی سپۆڕتینگ لشبۆنە دەکرد و خۆرخێ مێنیدزیش
بریکاریکارەکانی هەردووکیان بوو.
سکرتێرە
هونەرییەکەی یانە کەتەلۆنییەکە لەسەر گێڕانەوەی ڕووداوەکان زیاتر بەردەوام دەبێت و
ئاماژە بەوە دەکات، کریستیانۆ لە یارییەکەدا ئاستێکی بەرزی پێشکەش کردووە، لە
هەمانکاتیشدا کوارێزماش لەو یارییەدا بە ئاستێکی بەرزەوە دەرکەوتووە و کارگێڕی
یانەکەشی لەبارەی هەردوو یاریزانەکەوە گفتوگۆی کردوە، بەڵام لە کۆتاییدا بڕیاریان
داوە گرێبەستی لەگەڵ کوارێزمان واژۆ بکەن.
ئەوەی جێگای
بیرهێنانەوەیە دواتر کریستیانۆ پەیوەندی بە یانەکانی مانچستەر یونایتد و ڕیاڵ
مەدریدەوە دەکات و لە ئێستاشدا درێسی یانەی یۆڤانتۆسی پۆشیووە.
لە تۆڕە کۆمەڵایەتیەکان شەیری بکە