چۆن به‌ربانگێكی ته‌ندروست بكه‌ین؟

په‌یام ـ ته‌ندروستی

بە دڵنیاییەوە دوای چەندین كاتژمێر بەڕۆژووبوون، جەستە پێویستی بە خۆراكی تەندروست و خاوێن هەیەو دەبێت بە وریایی و ئاگاییەوە خواردن و خواردنەوەكان بخورێن، تا تەندروستی و سەلامەتی مرۆڤ پارێزراو بێت.
بۆیەش باشتر وایە پەیڕەوی چەند رێنماییەکی تەندروستی بکرێت، لەوانەش:

1. پێویستە هەموو خواردن و خواردنەوەکان زۆر لەسەرخۆ بخورێن.
2. باشتر وایە لە یەكەم ساتی رۆژوو شكاندندا خورما پاشان ئاو بخورێتەوە.
3. دواتر چەند دەنکە خورمایەک بخورێت، چونکە بە خێرایی وزە بە جەستە و مێشك دەبەخشێت
4. پاشان چەند خولەكێك چاوەڕوانی دواتر میوە بخورێت، یاخود شەربەتی فرێش و بێ‌ شەكر بخورێتەوە.
5. دوای چەند خولەکێکی دیکە یاخود دوای ئەنجامدانی نوێژ، سووپێکی تازە ئامادەکراو بخورێت.
6. پاش ئەو خواردن و خواردنەوانی ئاماژەیان پێدرا، پێویستە چەند خولەکێک چاوەڕوان بیت تا گەدە تا ڕادەیەك بەتاڵ ببێتەوە، دواجار دەتوانرێت ژەمی سەرەكی بخورێت.

• ئەوەی گرنگە پێویستە چەندین خولەك كات هەبێت لە نێوان هەریەك لەو خواردن و خواردنەوانەداو نابێت هەموویان بەسەر یەكەوە بخورێت، چونكە گەدە توشی زیانی تەندروستی دەبێت و كۆئەندامی هەرس تێكدەچێت و بەمەش مرۆڤ توشی نەخۆشی دەبێت.

لە پێناو تەندروستی كۆئەندامی هەرس بەتایبەتی و تەندروستی جەستە بەگشتیی، پێویستە لە كاتی بەربانگ و رۆژوو شكاندندا پەیڕەوی ئەو ڕێنماییانە بكرێت.